ലഖ്‌നൗ: തെരഞ്ഞെടുപ്പ് പ്രചാണര റാലിയില്‍ ബിഎസ്പി അധ്യക്ഷ മായാവതിയുടെ കാലില്‍തൊട്ടു വണങ്ങി അനുഗ്രഹം വാങ്ങി എസ്പി നേതാവ് അഖിലേഷ് യാദവിന്റെ ഭാര്യയും കനൗജിലെ സ്ഥാനാര്‍ത്ഥിയുമായ ഡിംപിള്‍ യാദവ്.
തെരഞ്ഞെടുപ്പ് റാലിയില്‍ പ്രസംഗിക്കുന്നതിന് മുമ്പായിരുന്നു മായാവതിയുടെ കാലുതൊട്ട് വണങ്ങി ഡിംപിള്‍ അനുഗ്രഹം വാങ്ങിയത്. റാലിയെ അഭിസംബോധന ചെയ്തു സംസാരിച്ച അഖിലേഷ് യാദവ്, 'ബിഎസ്പി-എസ്പി സഖ്യം രാജ്യത്തിന് പുതിയ പ്രധാനമന്ത്രിയെ നല്‍കുമെന്ന്' പറഞ്ഞു.
മായവതിയെ അപമാനിക്കുന്നത് തന്നെ അപമാനിക്കുന്നതിന് തുല്യമാണെന്ന് നേരത്തെ അഖിലേഷ് യാദവ് പാര്‍ട്ടി പ്രവര്‍ത്തകരോട് പറഞ്ഞിരുന്നു.
എസ്പി തന്റെ പാര്‍ട്ടി അണികളുടെ അച്ചടക്കം കണ്ടുപഠിക്കണമെന്ന് കഴിഞ്ഞ ദിവസം മായാവതി ഉപദേശിച്ചിരുന്നു. പ്രധാനമന്ത്രി നരേന്ദ്ര മോദി മത്സരിക്കുന്ന വാരാണസിയില്‍ എസ്പി-ബിഎസ്പി സഖ്യം സ്ഥാനാര്‍ത്ഥിയെ പ്രഖ്യാപിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
