ആറുവയസ്സുകാരിയെ കൊന്നു, മൃതദേഹവുമായി ലൈംഗികബന്ധത്തില് ഏര്പ്പെട്ടു ; സെക്യൂരിറ്റി ഗാര്ഡ് പിടിയില്
ഹരിദ്വാര് : ആറുവയസ്സുള്ള ബാലികയെ കൊലപ്പെടുത്തി മൃതദേഹവുമായി ലൈംഗികബന്ധത്തില് ഏര്പ്പെട്ട സെക്യൂരിറ്റി ഗാര്ഡ് പിടിയില്. ഉത്തരാഖണ്ഡിലെ ഹരിദ്വാറിലാണ് സംഭവം. കുട്ടിയുടെ വീടിന് സമീപത്തുള്ള പൗള്ട്രി ഫാമിന്റെ കാവല്ക്കാരനായ സോനു എന്നയാളാണ് പിടിയിലായത്.
കഴിഞ്ഞ വെള്ളിയാഴ്ചയാണ് കേസിനാസ്പദമായ സംഭവം നടക്കുന്നത്. ഗ്രാമത്തിലെ മറ്റ് കുട്ടികള്ക്കൊപ്പം കളിക്കുകയായിരുന്നു ബാലിക. ഇതിനിടെ കുട്ടിയെ കാണാതാകുകയായിരുന്നു. കുട്ടിയുടെ സമീപം കാവല്ക്കാരനായ സോനുവിനെ കണ്ടിരുന്നതായി മറ്റു കുട്ടികള് പൊലീസിന് മൊഴി നല്കി.
തുടര്ന്ന് സോനുവിനെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് ക്രൂരത വ്യക്തമായത്. കളിച്ചുകൊണ്ടിരുന്ന കുട്ടിയെ ഇയാള് ഗ്രാമത്തിന് സമീപത്തെ കാട്ടിലേക്ക് ബലമായി കൊണ്ടുപോയി. ഇവിടെ വെച്ച് പീഡിപ്പിക്കാന് ശ്രമിച്ചപ്പോള് കുട്ടി ഉറക്കെ നിലവിളിച്ചു.
ഇതേത്തുടര്ന്ന് കുട്ടിയുടെ കഴുത്ത് ഞെരിച്ച് കൊലപ്പെടുത്തുകയും, മൃതദേഹവുമായി ലൈംഗിക ബന്ധത്തിലേര്പ്പെടുകയുമായിരുന്നു. വിശദമായ ചോദ്യം ചെയ്യലില് പ്രതി കുറ്റസമ്മതം നടത്തിയെന്ന് പൊലീസ് അറിയിച്ചു. കൊലപാതകത്തിന് വ്യക്തമായ തെളിവ് ലഭിച്ചതായും ഹരിദ്വാര് പൊലീസ് സൂപ്രണ്ട് ജന്മേജയ് ഖണ്ഡൂരി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ