റോഡിലൂടെ പറക്കുന്ന ഹെലികോപ്റ്ററോ?. ഈ വാഹനം റോഡിലൂടെ കുതിക്കുമ്പോള് ആര്ക്കും അത്ഭുതം തോന്നും. അത്തരത്തിലാണ് ഈ വാഹനം രൂപമാറ്റം വരുത്തിയിരിക്കുന്നത്. പലതരത്തില് വാഹനങ്ങളുടെ രൂപമാറ്റം കണ്ടവരുണ്ടാകും. എന്നാല് ഇത്തരത്തില് ഒരു രൂപമാറ്റം സ്വപ്നത്തില് പോലും പ്രതീക്ഷിച്ചിരിക്കില്ല. ബീഹാറിലെ കര്ഷകനായ മിതിലേഷ് പ്രസാദാണ് തന്റെ നാനോ കാര് വിസ്മയകരമായി ഹെലികോപ്റ്റര് രിതിയില് മോഡിഫൈ ചെയ്തത്.
ബീഹാറിലെ കര്ഷകുടുംബത്തിലാണ് മിതിലേഷ് ജനിച്ചത്. പൈലറ്റാവാനായിരുന്നു ഇയാളുടെ ആഗ്രഹം. എന്നാല് ഒരു സാധാരണകുടുംബത്തില് ജനിച്ച ഇയാള്ക്ക് അതിന് കഴിഞ്ഞിരുന്നില്ല. എന്നാല് തന്റെ കാര് ഹെലികോപ്റ്റര് മാതൃകയില് രൂപമാറ്റം വരുത്തി റോഡിലൂടെ പറക്കുകയാണ് മിതിലേഷ്.
വളരെ ലളിതമായ രീതിയിലാണ് കാറിനകവും പുറത്തും രൂപമാറ്റം വരുത്തിയതെന്ന് മിതിലേഷ് പറയുന്നു. ഒരു ഹെലികോപ്റ്റര് പറത്തുന്ന മാതൃകയിലാണ് കാറിന്റെ പ്രവര്ത്തനവും സജ്ജീകരിക്കുന്നത്. വിമാനമാതൃകയിലുള്ള വാഹനത്തില് കയറാനും കാണാനും നിരവധി ആളുകള് എത്തുന്നുവെന്നാണ് റിപ്പോര്ട്ടുകള്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ