പനാജി: പാമ്പുകടിയേറ്റ് വൈദ്യ പരിശോധനയ്ക്കായി ഹെൽത്ത് സെന്ററിലെത്തിയ ഗർഭിണിയായ യുവതിയെ പീഡിപ്പിച്ച ഡോക്ടർ അറസ്റ്റിൽ. ഡോ. അലക്സ് മക്സറ നാസ് (42) ആണ് അറസ്റ്റിലായത്. തെക്കൻ ഗോവ ജില്ലയിലെ കുർച്ചൊറി എന്ന സ്ഥലത്താണ് സംഭവം.
പരിശോധനാ മുറിയിൽ വച്ച് ഡോക്ടർ പീഡിപ്പിച്ചു എന്നാണ് 22കാരിയായ യുവതി നൽകിയ പരാതിയിൽ പറയുന്നത്. ജാർഖണ്ഡ് സ്വദേശിനിയാണ് യുവതി. അഞ്ച് മാസം ഗർഭിണിയാണെന്നും പരാതിയിൽ പറയുന്നു. പൊലീസ് യുവതിയെ ആശുപത്രിയിൽ പ്രവേശിപ്പിച്ചു.
അറസ്റ്റ് ചെയ്ത പ്രതിയെ കോടതി അഞ്ച് ദിവസത്തേക്ക് റിമാൻഡ് ചെയ്തു. ഡോക്ടറെ സസ്പെൻഡ് ചെയ്തതായി ആരോഗ്യ വകുപ്പ് അധികൃതർ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
