സഞ്ജീവ് ഭട്ടിനെ കാണാന്‍ പുറപ്പെട്ട ഹാര്‍ദിക് പട്ടേലും കൂട്ടരും പൊലീസ് കസ്റ്റഡിയില്‍ 

കസ്റ്റഡി മരണക്കേസില്‍ ജീവപര്യന്തം ശിക്ഷ അനുഭവിക്കുന്ന മുന്‍ ഗുജറാത്ത് ഐപിഎസ് ഓഫീസര്‍ സഞ്ജീവ് ഭട്ടിനെ കാണാന്‍ പുറപ്പെട്ട കോണ്‍ഗ്രസ് നേതാവ് ഹാര്‍ദിക് പട്ടേലിനെ പൊലീസ് കസ്റ്റഡിയിലെടുത്തു
സഞ്ജീവ് ഭട്ടിനെ കാണാന്‍ പുറപ്പെട്ട ഹാര്‍ദിക് പട്ടേലും കൂട്ടരും പൊലീസ് കസ്റ്റഡിയില്‍ 

പലന്‍പുര്‍: കസ്റ്റഡി മരണക്കേസില്‍ ജീവപര്യന്തം ശിക്ഷ അനുഭവിക്കുന്ന മുന്‍ ഗുജറാത്ത് ഐപിഎസ് ഓഫീസര്‍ സഞ്ജീവ് ഭട്ടിനെ കാണാന്‍ പുറപ്പെട്ട കോണ്‍ഗ്രസ് നേതാവ് ഹാര്‍ദിക് പട്ടേലിനെ പൊലീസ് കസ്റ്റഡിയിലെടുത്തു. പട്ടേലിനെയും രണ്ട് എംഎല്‍എമാരേയും ഇവരെ അനുഗമിച്ച 27പേരെയുമാണ് പലന്‍പുര്‍ പൊലീസ് കസ്റ്റഡിയിലെടുത്തത്. 

ക്രമസമാധാന പ്രശ്‌നം കണക്കിലെടുത്താണ് കസ്റ്റഡിയിലെടുത്തത് എന്നാണ് പൊലീസ് നല്‍കുന്ന വിശദീകരണം. പട്ടാന്‍, പലന്‍പുര്‍ എംഎല്‍എമാരായ കിരിത് പട്ടേല്‍, മഹേഷ് പട്ടേല്‍ എന്നിവരാണ് ഹാര്‍ദികിനൊപ്പം കസ്റ്റഡിയിലെടുത്ത ജനപ്രതിനിധികള്‍. 

സഞ്ജീവ് ഭട്ടിന് ഐക്യദാര്‍ഢ്യം പ്രകടിപ്പിച്ച് അദ്ദേഹത്തിന് രാഖി അണിയിക്കാന്‍ പുറപ്പെട്ട സംഘത്തിനൊപ്പം ചേരുമെന്നായിരുന്നു ഹാര്‍ദിക് അറിയിച്ചിരുന്നത്. ഇവര്‍ക്കൊപ്പമുള്ള സഞ്ജീവിന്റെ ഭാര്യ ശ്വേത ഭട്ടിന് അദ്ദേഹത്തെ കാണാന്‍ അനുവാദം ലഭിച്ചിട്ടുണ്ട്. 

1990ല്‍ ജാംനഗറില്‍ അഡിഷണല്‍ പൊലീസ് സൂപ്രണ്ട് ആയിരിക്കെ നടന്ന കസ്റ്റഡി മരണക്കേസിലാണ് സഞ്ജീവ് ഭട്ടിനെ കഴിഞ്ഞ ജൂണില്‍ കോടതി ശിക്ഷിച്ചത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com