ന്യൂഡല്ഹി: സാഹോദര്യത്തിന്റെ പ്രതീകമായ രക്ഷാബന്ധന് രാജ്യമൊട്ടാകെ ആഘോഷിക്കുകയാണ്. ഇതിനിടെ പ്രധാനമന്ത്രി നരേന്ദ്രമോദിക്ക് കുട്ടികളും സ്ത്രീകളും രാഖി കെട്ടിക്കൊടുക്കുന്നതിന്റെ ദൃശ്യങ്ങളാണ് ഇപ്പോള് സോഷ്യല്മീഡിയ ഏറ്റെടുത്തിരിക്കുന്നത്.
കുട്ടികളോട് കുശലം പറയുന്നതും വാത്സല്യത്തോടെ ചേര്ത്തുപിടിക്കുന്നതും ദൃശ്യങ്ങളില് കാണാം. ചില കുട്ടികള് മോദിയുടെ അനുഗ്രഹത്തിനായി തിരക്കുകൂട്ടുന്നുണ്ട്. വരിവരിയായി വന്ന് കുട്ടികള് മോദിയുടെ കൈയില് രാഖി കെട്ടി മടങ്ങുന്നതാണ് വീഡിയോയില് ഉളളത്.
രക്ഷാബന്ധന് ആഘോഷങ്ങള്ക്ക് മുന്പ് മോദി ചെങ്കോട്ടയില് ദേശീയപതാക ഉയര്ത്തി. തുടര്ന്ന് രാജ്യത്തെ അഭിസംബോധന ചെയ്ത് സ്വാതന്ത്ര്യദിന പ്രസംഗം നടത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ