റായ്പൂര്: പാവപ്പെട്ടവരോടും നിരാലംബരോടും അധികാരികള് മോശമായി പെരുമാറുന്നതിന്റെ നിരവധി സംഭവങ്ങള് പുറത്തുവന്നിട്ടുണ്ട്. അധികാരഗര്വ്വ് പ്രകടിപ്പിച്ചുകൊണ്ടുളള ഇത്തരം സംഭവങ്ങള് കൂടുതലും റിപ്പോര്ട്ട് ചെയ്തിട്ടുളളത് ഉത്തേരേന്ത്യയില് നിന്നുമാണ്. അത്തരത്തിലുളള ഒരു സംഭവമാണ് ഇപ്പോള് സോഷ്യല്മീഡിയയില് പ്രചരിക്കുന്നത്.
ഛത്തീസ്ഗഡിലാണ് സംഭവം. കൊറിയയിലെ ബര്വാനി കന്യ ആശ്രമം സ്കൂളിലെ ജോലിക്കാരിയോട് മോശമായി പെരുമാറുന്നതിന്റെ ദൃശ്യങ്ങളാണ് പുറത്തുവന്നത്. സ്കൂള് സൂപ്രണ്ടിന്റെ ഭര്ത്താവ് സ്കൂളിലെ തൂപ്പുകാരിയെ വലിച്ചിഴയ്ക്കുന്നതാണ് ദൃശ്യങ്ങളിലുളളത്.
മൂന്നുമാസം പ്രായമുളള കുട്ടിയൊടൊപ്പം സ്കൂളിലെ വിദ്യാര്ത്ഥികളുടെ ഹോസ്റ്റലില് അഭയം തേടിയതാണ് ജോലിക്കാരി. കട്ടിലില് ഇരിക്കുന്ന ഇവരെ വലിച്ചിഴച്ച് പുറത്തേയ്ക്ക് എറിയുന്നതാണ് ദൃശ്യങ്ങളിലുളളത്. സ്കൂള് സൂപ്രണ്ട് സുമില സിങ്ങിന്റെ ഭര്ത്താവാണ് കൃത്യം ചെയ്യുന്നത്.
സംഭവം പുറത്തുവന്നതിന് പിന്നാലെ പൊലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചു. പ്രതിയെ ഉടന് അറസ്റ്റ് ചെയ്യുമെന്നാണ് റിപ്പോര്ട്ടുകള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ