മുംബൈ : മഹാരാഷ്ട്രയിലെ ധൂലെയില്‍ കെമിക്കല്‍ ഫാക്ടറിയില്‍ സ്‌ഫോടനം. എട്ടുപേര്‍ മരിച്ചു. നിരവധി പേര്‍ക്ക് പരിക്കേറ്റു. മരണസംഖ്യ ഇനിയും ഉയര്‍ന്നേക്കുമെന്ന് സൂചനയുണ്ട്. രാവിലെ 9.45 ഓടെയാണ് അപകടം ഉണ്ടായത്.
ഫാക്ടറിയിലെ സിലിണ്ടറുകള്‍ പൊട്ടിത്തെറിച്ചതാണ് അപകടത്തിന് കാരണമെന്നാണ് പ്രാഥമിക റിപ്പോര്‍ട്ടുകള്‍. അപകടസമയത്ത് നൂറോളം ജീവനക്കാര്‍ ഫാക്ടറിയില്‍ ഉണ്ടായിരുന്നു. നിരവധി പേര്‍ ഫാക്ടറിയില്‍ കുടുങ്ങിക്കിടക്കുന്നതായി റിപ്പോര്‍ട്ടുണ്ട്.
ഇതിനകം എട്ടു മൃതദേഹങ്ങള്‍ കണ്ടെത്തിയതായി ഷിര്‍പൂര്‍ പൊലീസ് അധികൃതര്‍ അറിയിച്ചു. പൊലീസ്, ദുരന്ത നിവാസരണ സേന, ഫയര്‍ഫോഴ്‌സ് തുടങ്ങിയവര്‍ രക്ഷാപ്രവര്‍ത്തനം തുടരുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
