സ്ത്രീകളോട് എങ്ങനെ പെരുമാറമാണെന്ന് പുരുഷൻമാരെ പഠിപ്പിക്കണമെന്ന് മോഹൻ ഭാ​ഗവത്

By സമകാലിക മലയാളം ഡെസ്‌ക്‌  |   Published: 01st December 2019 07:09 PM  |  

Last Updated: 01st December 2019 07:11 PM  |   A+A-   |  

 

ന്യൂഡൽഹി: സ്​ത്രീകളെ ബഹുമാനിക്കാൻ വീട്ടിൽ നിന്നു തന്നെ തുടങ്ങണമെന്ന്​ ആർഎസ്​എസ്​ മേധാവി മോഹൻ ഭാഗവത്​. ‘‘സ്​ത്രീകളെ അപമാനിക്കുന്ന പുരുഷൻമാർക്കും അമ്മയും സഹോദരിമാരും ഉണ്ടാകും. സ്​ത്രികളെ ബഹുമാനിക്കാൻ വീട്ടിൽ നിന്നു തന്നെ തുടങ്ങണം’’ മോഹൻ ഭാഗവത്​ പറഞ്ഞു.രാജ്യത്ത് സ്ത്രീകൾക്കെതിരെയുള്ള അതിക്രമങ്ങൾ വർധിക്കുന്ന സാഹചര്യത്തിലാണ് മോഹൻഭ​ഗവതിന്റെ പ്രതികരണമെന്നതും ശ്രദ്ധേയമാണ്.

ഉർവശി മുന്നിൽവന്നു നിന്നപ്പോഴും അർജ്ജുനൻ ധർമ്മ പാതയിൽ നിന്ന്​ വ്യതിചലിച്ചില്ല. അർജ്ജുനൻ അവരെ മാതാവിനെ പോലെയാണ്​ പരിഗണിച്ചത്​​. സമൂഹത്തിൽ സ്​ത്രീകളെ ബഹുമാനിക്കുന്ന കാര്യമാണ്​ നാം അടിയന്തരമായി ചെയ്യേണ്ടത്​. അദ്ദേഹം കൂട്ടിച്ചേർത്തു. ഡൽഹിയിൽ സ്വാമി ഗ്യാനാനന്ദ്​ സംഘടിപ്പിച്ച ഗീത മഹോത്സവ പരിപാടിയിൽ സംസാരിക്കുകയായിരുന്നു അദ്ദേഹം.

ആത്മീയതയുടെ അറിവി​ന്റെ സംഗ്രഹമാണ്​ ഭഗവത്​ഗീതയെന്നും കൃഷ്​ണൻ അർജ്ജുനന്​ പറഞ്ഞുകൊടുക്കുന്ന തരത്തിൽ ഉപനിഷത്തുകളുടെ രത്​നച്ചുരുക്കമാണതെന്നും അദ്ദേഹം വ്യക്തമാക്കി