പുനെ: പാമ്പുകടിയേറ്റ സ്ത്രീക്ക് ചികിത്സ ലഭ്യമാക്കാന് നാട്ടുകാര് തോളിലേറ്റിയത് എട്ടു കിലോമീറ്റര്. സര്ക്കാര് ആശുപത്രിയില് പ്രവേശിപ്പിച്ച 65 കാരി ചികിത്സയില്. മതിയായ റോഡ് സൗകര്യമില്ലാതെ ഒറ്റപ്പെട്ട് കഴിയുന്ന ഗ്രാമത്തില് നിന്നുളള സ്ത്രീക്കാണ് പാമ്പു കടിയേറ്റത്.
മഹാരാഷ്ട്ര പുനെ ജില്ലയിലെ ചന്ദര് എന്ന ഒറ്റപ്പെട്ട ഗ്രാമത്തിലാണ് സംഭവം. വീ്ടിനോട് ചേര്ന്നാണ് 65കാരിയെ പാമ്പുകടിച്ചത്.ഗ്രാമത്തിലേക്ക് മതിയായ റോഡ് സൗകര്യമില്ലാത്തത് കാരണം മുളവടിയില് തുണി കെട്ടി അതില് ഇരുത്തിയാണ് സ്ത്രീയെ ആശുപത്രിയില് എത്തിച്ചത്. എട്ടുകിലോമീറ്ററോളം ദൂരമാണ് ഇവരെയും വഹിച്ച് ഇത്തരത്തില് കാല്നടയായി നാട്ടുകാര് സഞ്ചരിച്ചത്. ആശുപത്രിയില് എത്തിക്കാന് രണ്ടുമണിക്കൂറോളം സമയമെടുത്തെന്ന് 65കാരിയുടെ മകന് പറഞ്ഞു.
ആശുപത്രിയില് എത്തിക്കാന് അനാവശ്യമായി സമയം പാഴാക്കേണ്ട എന്ന ആലോചനയെ തുടര്ന്നാണ് 65കാരിയ തോളിലേറ്റ് ആശുപത്രിയില് എത്തിക്കാന് നാട്ടുകാര് തീരുമാനിച്ചത്. തുടര്ന്ന് താത്ക്കാലികമായി മുളവടിയില് തുണി കെട്ടി സ്ത്രീയെ ആശുപത്രിയില് എത്തിക്കാന് സംവിധാനം ഒരുക്കുകയായിരുന്നു. മെയിന് റോഡില് എത്തിച്ച സ്ത്രീയെ അവിടെ നിന്ന് ജീപ്പിന്റെ സഹായത്തോടെ ആശുപത്രിയില് എത്തിച്ചതായി മകന് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ