ഇന്ഡോര് : പ്രായപൂര്ത്തിയാകാത്ത കുട്ടിയെ പീഡിപ്പിച്ച കേസിലെ പ്രതിയെ കോടതി വളപ്പില് കൈകാര്യം ചെയ്ത് അഭിഭാഷകന്. മധ്യപ്രദേശിലെ ഇന്ഡോറിലാണ് സംഭവം.
വിചാരണയ്ക്കായി പ്രതിയെ കോടതിയില് ഹാജരാക്കാന് പൊലീസ് കൊണ്ടുവരുമ്പോഴായിരുന്നു കോടതി വളപ്പില് ഉണ്ടായിരുന്ന അഭിഭാഷകന് മര്ദിച്ചത്. കോടതി വളപ്പിലേക്ക് കയറിയ പ്രതിയെ പൊലീസുകാരെ വകഞ്ഞുമാറ്റി അഭിഭാഷകന് ഇടിക്കുകയായിരുന്നു.
അഭിഭാഷകന് മര്ദിച്ചതോടെ കൂടുതല് രംഗം വഷളാകുന്നതിന് മുമ്പെ പൊലീസുകാര് പ്രതിയെ കോടതിക്ക് അകത്തേക്ക് കൊണ്ടുപോയി. ഇതിനിടെ ഒരു പൊലീസുകാരന് എത്തി അഭിഭാഷകനെ പിടിച്ചുമാറ്റുകയും ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ