ന്യൂഡല്‍ഹി: കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധി വദ്രയെ കഴിഞ്ഞ ദിവസം സ്‌കൂട്ടറില്‍ കൊണ്ടുപോയ കോണ്‍ഗ്രസ് പ്രവര്‍ത്തകന് പിഴ ചുമത്തി പൊലീസ്. ഹെല്‍മറ്റ് വെക്കാതെ ഇരുചക്രവാഹനം ഓടിച്ചതിന് 6100 രൂപയാണ് പിഴ ചുമത്തിയത്.
വിരമിച്ച ഐപിഎസ് ഓഫീസര്‍ എസ് ആര്‍ ധാരാപുരിയുടെ വസതിയിലേക്കാണ് പ്രിയങ്ക ഗാന്ധിയെ പ്രാദേശിക കോണ്‍ഗ്രസ് നേതാവായ ധീരജ് ഗുജ്‌റാര്‍ സ്‌കൂട്ടറില്‍ കൊണ്ടുപോയത്. പൗരത്വഭേദഗതി നിയമത്തിനെതിരായ പ്രതിഷേധത്തിന് ഇടയില്‍ അറസ്റ്റിലായ എസ് ആര്‍ ധാരാപുരിയുടെ വീട് സന്ദര്‍ശിക്കാന്‍ പോകവെ പ്രിയങ്ക ഗാന്ധിയെ പൊലീസ് തടഞ്ഞിരുന്നു.
ഇതോടെ കോണ്‍ഗ്രസ് പ്രവര്‍ത്തകന്റെ സ്‌കൂട്ടറില്‍ പ്രിയങ്ക യാത്ര തുടര്‍ന്നു. രണ്ട് പേരും ഹെല്‍മറ്റ് ധരിച്ചിരുന്നില്ല. സ്‌കൂട്ടറില്‍ പോകവേയും പ്രിയങ്കയെ പൊലീസ് തടഞ്ഞു. ഇതോടെ നടന്നാണ് അവര്‍ വിരമിച്ച ഐപിഎല്‍ ഓഫീസറുടെ വീട്ടിലേക്ക് പോയത്. ഇതിനിടയില്‍ തന്നെ പൊലീസ് കയ്യേറ്റം ചെയ്തതായും പ്രിയങ്ക ആരോപിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
