ന്യൂഡൽഹി: കോൺഗ്രസ് നേതാവ് പ്രിയങ്കാ ഗാന്ധിയുടെ ചിത്രം മോർഫ് ചെയ്ത് പ്രചരിപ്പിച്ച ബീഹാർ സ്വദേശി അറസ്റ്റിൽ. യോഗി സൂരജ്നാഥ് എന്നയാളാണ് അറസ്റ്റിലായത്. അശ്ലീല ചിത്രവുമായി ചേർത്ത് പ്രിയങ്കയുടെ ചിത്രം സമൂഹമാധ്യമങ്ങളിലൂടെ പ്രചരിപ്പിക്കുകയായിരുന്നു ഇയാൾ.
പ്രധാനമന്ത്രി നരേന്ദ്ര മോദിയുടെ ഭക്തൻ എന്നാണ് സൂരജ്നാഥ് സ്വയം വിശേഷിപ്പിക്കുന്നത്. ഇയാളെ ബിനോദ്പൂരിലെ വസതിയിൽ നിന്നാണ് അറസ്റ്റ് ചെയ്തത്. ഇയാൾക്ക് പാർട്ടിയുമായി യാതൊരു ബന്ധവുമില്ലെന്ന് ബിജെപി ജില്ലാ പ്രസിഡന്റ് മനോജ് റായി പറഞ്ഞു.
മജിസ്ട്രേറ്റ് കോടതിയില് ഹാജരാക്കിയ സൂരജ്നാഥിനെ ജൂഡീഷ്യല് കസ്റ്റഡിയില് വിട്ടു. സാമൂഹ്യ പ്രവർത്തക ഷാഹിൻ സയാദ് ബീഹാർ പൊലീസ് സൈബർ സെല്ലിന് നൽകിയ പരാതിയിലാണ് അന്വേഷണം നടത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ