അഞ്ച് മാസം ഗര്‍ഭിണിയായ ഭാര്യയെ ശ്വാസം മുട്ടിച്ച് കൊന്നു, മൃതദേഹത്തിനരികില്‍ കിടന്നുറങ്ങി; ഒടുവില്‍ കീഴടങ്ങി
By സമകാലിക മലയാളം ഡെസ്‌ക്‌ | Published: 10th February 2019 06:10 AM |
Last Updated: 10th February 2019 06:10 AM | A+A A- |
ഒസ്മനാബാദ് (മഹാരാഷ്ട്ര): ഗര്‍ഭിണിയായ ഭാര്യയെ ശ്വാസം മുട്ടിച്ച് കൊന്നശേഷം യുവാവ്‌ മൃതദേഹത്തിനരികില്‍ ഒരു രാത്രി ഉറങ്ങി. മഹാരാഷ്ട്രയിലെ ഒസ്മനാബാദ് എന്ന സ്ഥലത്താണ് സംഭവം. കൊലപാതകത്തിന് ശേഷം പ്രതി തന്നെയാണ് പൊലീസ് സ്റ്റേഷനില്‍ കീഴടങ്ങി കൃത്യത്തെക്കുറിച്ച് വെളിപ്പെടുത്തിയത്.
തര്‍ക്കത്തിനൊടുവില്‍ വിനോദ് ധന്‍സിങ് പവാര്‍ എന്നയാളാണ് ഭാര്യയെ ശ്വാസം മുട്ടിച്ച് കൊലപ്പെടുത്തിയത്. വ്യാഴാഴ്ച രാത്രിയാണ് കൊലപാതകം നടന്നത്. ആ രാത്രി മുഴുവന്‍ മൃതദേഹത്തിനരികില്‍ ചിലവഴിച്ച വിനോദ് വെള്ളിയാഴ്ച രാവിലെ പൊലീസ് സ്റ്റേഷനിലെത്തി കാര്യങ്ങള്‍ വിശദീകരിക്കുകയായിരുന്നു.
കുഴല്‍കിണര്‍ എജന്റായി ജോലി ചെയ്യുകയാണ് വിനോദ്. ഭാര്യ പ്രിയങ്ക തുല്‍ജാപ്പൂരില്‍ നേഴ്‌സ് ആയാണ് പ്രവര്‍ത്തിച്ചിരുന്നത്. ഒന്‍പത് മാസം മുന്‍പാണ് ഇരുവരും വിവാഹിതരായത്. പ്രിയങ്ക അഞ്ച് മാസം ഗര്‍ഭിണിയായിരുന്നു.
വിനോദ് പലപ്പോഴും പണം ആവശ്യപ്പെട്ട് വീട്ട് വഴക്കുകള്‍ സൃഷ്ടിക്കാറുണ്ടെന്ന് പ്രിയങ്കയുടെ മാതാപിതാക്കള്‍ പൊലീസില്‍ മൊഴി നല്‍കി. വിനോദിനെതിരെ കൊലപാതകം ചുമത്തി കേസ് രജിസ്റ്റര്‍ ചെയ്തു.
