ജയ്പൂർ: രാജസ്ഥാനിൽ ഗുജ്ജാർ സമുദായം നടത്തുന്ന പ്രക്ഷോഭം ശക്തമാകുന്നു. ഇതിന്റെ ഭാഗമായി സംസ്ഥാനത്തെ ട്രെയിൻ ഗതാഗതവും താറുമാറായി. സമരത്തിന്റെ ഭാഗമായി റെയിൽ, റോഡ് ഉപരോധമുൾപ്പടെയുള്ള സമര മാർഗവുമായി പ്രക്ഷോഭകാരികൾ രംഗത്തു വന്നതോടെയാണിത്.
തൊഴിൽ-വിദ്യാഭ്യാസ മേഖലയിൽ സംവരണം ആവശ്യപ്പെട്ടാണ് ഗുജ്ജാർ സമുദായക്കാർ പ്രക്ഷോഭം നടത്തുന്നത്. 15 ട്രെയിൻ സർവീസുകൾ കൂടി റദ്ദാക്കിയതായും എട്ട് സർവീസുകൾ പുനക്രമീകരിച്ചതായും റെയിൽവേ അധികൃതർ അറിയിച്ചു. ട്രെയിനുകൾ റദ്ദാക്കിയത് 13 വരെ തുടരുമെന്നാണ് വിവരം. തൊഴിൽ-വിദ്യാഭ്യാസ രംഗങ്ങളിൽ ഗുജ്ജാറുകൾക്ക് 5 ശതമാനം സംവരണം നൽകണമെന്നാവശ്യപ്പെട്ടാണ് പ്രക്ഷോഭം നടക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ