ന്യൂഡൽഹി: രാജ്യത്തെ ഏറ്റവും വേഗമേറിയ ട്രെയിൻ വന്ദേ ഭാരത് വെള്ളിയാഴ്ച മുതൽ. എഞ്ചിനില്ലാത്ത ട്രെയിനിന്റെ ഫ്ലാഗ് ഓഫ് പ്രധാനമന്ത്രി നരേന്ദ്രമോദി നിർവഹിക്കും. വന്ദേ ഭാരത്എക്സ്പ്രസിന്റെ ടിക്കറ്റ് നിരക്കുകൾ റെയിൽവേ പുറത്തു വിട്ടു. ഡൽഹിയിൽ നിന്നു വാരാണസി വരെ ചെയർ കാർ ക്ലാസിന് 1850 രൂപയും എക്സ്ക്ലുസീവ് ക്ലാസിന് 3,520 രൂപയുമാണ് ഈടാക്കുക. തിരിച്ചു വരുമ്പോൾ ഇതു യഥാക്രമം 1,795 രൂപയും 3,470 രൂപയുമായിരിക്കും.
ഇതേ ദൂരത്തിൽ സഞ്ചരിക്കുന്ന ശതാബ്ദിയെക്കാൾ 1.5 മടങ്ങ് അധികമാണ് വന്ദേ ഭാരതിന്റെ ചെലവ്. ന്യൂഡല്ഹി - വാരണാസി റൂട്ടില് സഞ്ചരിക്കുന്നവര്ക്ക് പ്രഭാത ഭക്ഷണത്തിനും ഉച്ചഭക്ഷണത്തിനുമായി 399 രൂപ ഈടാക്കും. ചെയര് കാറില് സഞ്ചരിക്കുന്നവരില്നിന്ന് 344 രൂപ ഈടാക്കും. വാരാണസിയിൽ നിന്നും ഡൽഹിക്കുള്ള സർവീസിൽ യഥാക്രമം 349 രൂപയും 288 രൂപയുമാകും ഈടാക്കുക.
മണിക്കൂറിൽ 160 കിലോമീറ്റർ വേഗതയിൽ സഞ്ചരിക്കുന്ന ട്രെയ്ൻ 97 കോടി രൂപ ചിലവില് 16 കോച്ചുകളുള്ള ട്രെയിന് 18 മാസം കൊണ്ട് ചെന്നൈയിലെ ഇന്റഗ്രൽ കോച്ച് ഫാക്റ്ററിയിലാണ് നിർമിച്ചത്. പൂര്ണമായും എ സി കോച്ചുകളുള്ള ട്രെയിനാണ് വന്ദേഭാരത്. ന്യൂഡല്ഹിക്കും വാരാണസിക്കും ഇടയില് കാൺപുരിലും അലഹബാദിലും വന്ദേഭാരതിന് സ്റ്റോപ്പ് ഉണ്ടാകും
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ