ശ്രീനഗർ: ജമ്മു കശ്മീരിലെ പുൽവാമയിൽ ട്യൂഷൻ സെന്ററിലുണ്ടായ സ്ഫോടനത്തിൽ 28 വിദ്യാർഥികൾ പരിക്ക്. പരിക്കേറ്റ മൂന്ന് വിദ്യാർഥികളുടെ നില ഗുരുതരമാണ്. ഇവരെ ശ്രീനഗറിലേക്ക് മാറ്റിയതായി പുൽവാമ ജില്ലാ ആശുപത്രി വൃത്തങ്ങൾ അറിയിച്ചു.
ബുധനാഴ്ച വൈകുന്നേരമാണ് സ്ഫോടനമുണ്ടായത്. ഇതേതുടർന്നു പ്രദേശത്ത് സൈനികരും ഗ്രാമീണരും തമ്മിൽ സംഘർഷമുണ്ടായി.
പുൽവാമയിലെ കാകപുരയിൽ സ്വകാര്യ സ്കൂളിന്റെ കീഴിൽ പ്രവർത്തിച്ചുകൊണ്ടിരുന്ന ട്യൂഷൻ സെന്ററിലാണ് സ്ഫോടനമുണ്ടായത്. കനത്ത മഞ്ഞു വീഴ്ചയെ തുടർന്നു ഏതാനും ദിവസങ്ങളായി കശ്മീർ താഴ്വരയിലെ സ്കൂളുകൾ അടച്ചിട്ടിരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ