ന്യൂഡല്‍ഹി: വിവാഹാഘോഷങ്ങളില്‍ പങ്കെടുക്കാനെത്തിയ അതിഥികളും പരിപാടി നടന്ന ഹോട്ടലിലെ ജീവനക്കാരും തമ്മില്‍ ഏറ്റുമുട്ടുന്ന ദൃശ്യങ്ങളാണ് സമൂഹമാധ്യമങ്ങളില്‍ വൈറലാകുന്നത്. ഡല്‍ഹിയിലെ പിക്കാഡില്ലി എന്ന ഹോട്ടലിലാണ് സംഘര്‍ഷമുണ്ടായതെന്നാണ് റിപ്പോര്‍ട്ടുകള്‍. വിവാഹസദ്യ മോശമായതിനെത്തുടര്‍ന്ന് അതിഥികളും ജീവനക്കാരും തമ്മിലുണ്ടായ തര്‍ക്കമാണ് അടിപിടിയില്‍ കലാശിച്ചത്.
ഹോട്ടലിലെ പാത്രങ്ങളടക്കം നശിച്ച നിലയിലാണ് വിഡിയോയില്‍ കാണാന്‍ കഴിയുന്നത്. പാത്രങ്ങളും മറ്റുമായി അതിഥികള്‍ ജീവനക്കാരെ ഭീഷണിപ്പെടുത്തുന്നതും വിഡിയോയില്‍ കാണാം. നാശനഷ്ടങ്ങള്‍ക്ക് വധുവിന്റെയും വരന്റെയും വീട്ടുകാരില്‍ നിന്ന് നഷ്ടപരിഹാരം ഈടാക്കി. 400ലധികം അതിഥികള്‍ ക്ഷണിക്കപ്പെട്ട ചടങ്ങിനിടെയാണ് സംഘര്‍ഷമുണ്ടായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
