ലണ്ടൻ സ്വദേശിയായ ഒരു എൻജിനിയറുടെ ജന്മദിനത്തിന് പൊതു അവധി പ്രഖ്യാപിച്ച് തമിഴ്നാട് സർക്കാർ. 1941 ജനുവരി 15 ന് ജനിച്ച ജോൺ പെന്നിക്വിക്കിന്റെ ജന്‍മദിനമാണ്‌ തമിഴ്നാടും ഇനിമുതൽ ആഘോഷിക്കാൻ പോകുന്നത്. കാരണം എന്തെന്ന് അറിയണ്ടേ? മുല്ലപ്പെരിയാർ ഡാമിന്റെ ശില്പിയാണ് ജോണ് പെന്നിക്വിക്ക്!
ഇദ്ദേഹത്തോടുള്ള ആദരസൂചകമായി തമിഴ്നാട് സർക്കാർ ജനുവരി 15 പൊതു അവധിയായി പ്രഖ്യാപിച്ചിരിക്കുകയാണ്. കഴിഞ്ഞ വ്യാഴാഴ്ച ചേർന്ന നിയമസഭ യോഗമാണ് പെന്നി ക്വിക്കിന്‍റെ ജന്മദിനം പൊതു അവധിയായി പ്രഖ്യാപിച്ചത്. തമിഴ്നാട്ടുകാർക്കു ദൈവത്തെപോലെയാണ് മുല്ലപ്പെരിയാർ അണക്കെട്ടിന്‍റെ ശിൽപി ജോണ് പെന്നി ക്വിക്ക്.
ലണ്ടനിൽ ജനിച്ച ജോണ് സ്കൂൾ വിദ്യാഭ്യാസത്തിനുശേഷം സിവിൽ എൻജിനിയറിംഗിൽ ബിരുദം നേടി.ബ്രിട്ടീഷ് സർക്കാരിന്‍റെ അനുമതിയോടെ മദ്രാസ് പ്രവശ്യയിലെ മുല്ലപ്പെരിയാറിലെത്തി മുല്ലപ്പെരിയാർ അണക്കെട്ട് നിർമിച്ചു. സ്വത്തുവകകൾ വിറ്റാണ് അണക്കെട്ടിനായി ഇദ്ദേഹം പണം കണ്ടെത്തിയത്. തമിഴ്നാട്ടിലെ അഞ്ചു ജില്ലകളിലെ വരൾച്ചയ്ക്കും ജലക്ഷാമത്തിനും മുല്ലപ്പെരിയാർ അണക്കെട്ട് പരിഹാരമായി.പെന്നി ക്വിക്കിന്‍റെ ജന്മദിനം എല്ലാ വർഷവും തമിഴ്നാട്ടിലെ കർഷക സംഘടനകൾ ആഘോഷിക്കാറുള്ളതാണ്.
മുല്ലപ്പെരിയിർ ഡാമിന്റെ ഉടമസ്ഥാവകാശത്തിന് വേണ്ടി കേരളവും തമിഴ്നാടും തമ്മിൽ പോരാട്ടം നടക്കുമ്പോഴാണ് ഡാം പണിത എൻജിനിയറുടെ ജൻമദിനം ആഘോഷിക്കാൻ തമിഴ്നാട് സർക്കാർ മുന്നിട്ടിറങ്ങിയിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
