ന്യൂഡല്‍ഹി: പ്രധാനമന്ത്രി നരേന്ദ്രമോദി തനിക്ക് ജേഷ്ഠ സഹോദരനെപ്പോലെയെന്ന് സൗദി കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരന്‍. അദ്ദേഹത്തോട് തനിക്ക് കടുത്ത ആരാധനയാണെന്നും വളരെ ഊഷ്മളമായ ബന്ധമാണ് ഇരുവര്‍ക്കുമിടയില്‍ സൂക്ഷിക്കുന്നതെന്നും സല്‍മാന്‍ രാജകുമാരന്‍ പറഞ്ഞു.
കഴിഞ്ഞ 70 വര്‍ഷമായി സൗദിയില്‍ ഇന്ത്യന്‍ ജനങ്ങള്‍ജോലി ചെയ്യുന്നുണ്ടെന്നും സൗദിയുടെ സാമ്പത്തിക- സാമൂഹ്യ പുരോഗതിയില്‍ ഇന്ത്യക്കാരുടെ കയ്യൊപ്പ് പതിഞ്ഞിട്ടുണ്ടെന്നും അദ്ദേഹം പറഞ്ഞു.സൗദിയുടെ ഏറ്റവും മികച്ച സുഹൃത്താണ് എക്കാലവും ഇന്ത്യയെന്നും ബന്ധം തുടരുമെന്നും അദ്ദേഹം കൂട്ടിച്ചേര്‍ത്തു.
കഴിഞ്ഞ ദിവസമാണ് പാകിസ്ഥാന്‍ സന്ദര്‍ശനത്തിന് ശേഷം സൗദി കിരീടാവകാശിയായ സല്‍മാന്‍ രാജകുമാരന്‍ ഇന്ത്യയിലെത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
