സോണിയ ഇത്തവണയും അങ്കത്തിനുണ്ട്; റായ്ബറേലിയില്‍ നിന്ന് തന്നെ മത്സരിക്കുമെന്ന് സൂചന

യുപിഎ അധ്യക്ഷ സോണിയ ഗാന്ധി ഉത്തര്‍പ്രദേശിലെ റായ് ബറേലിയില്‍ നിന്ന് തന്നെ ഇത്തവണയും ലോക്‌സഭ തെരഞ്ഞെടുപ്പില്‍ മത്സരിക്കുമെന്ന്‌സൂചന
സോണിയ ഇത്തവണയും അങ്കത്തിനുണ്ട്; റായ്ബറേലിയില്‍ നിന്ന് തന്നെ മത്സരിക്കുമെന്ന് സൂചന

ലഖ്‌നൗ: യുപിഎ അധ്യക്ഷ സോണിയ ഗാന്ധി ഉത്തര്‍പ്രദേശിലെ റായ് ബറേലിയില്‍ നിന്ന് തന്നെ ഇത്തവണയും ലോക്‌സഭ തെരഞ്ഞെടുപ്പില്‍ മത്സരിക്കുമെന്ന്‌ സൂചന. രാഷ്ട്രീയ പ്രവേശനം നടത്തിയ മകള്‍ പ്രിയങ്ക ഗാന്ധിക്ക് വേണ്ടി സോണിയ സീറ്റ് ഒഴിഞ്ഞ് നല്‍കുമെന്ന് വാര്‍ത്തകള്‍ ഉണ്ടായിരുന്നു. എന്നാല്‍ ഇത് പ്രിയങ്ക തന്നെ നിഷേധിച്ചതിന്റെ പശ്ചാതലത്തിലാണ് സോണിയ ഇത്തവണയും മത്സരിക്കുമെന്ന സൂചന കോണ്‍ഗ്രസ് വൃത്തങ്ങള്‍ നല്‍കുന്നത്. 

72വയസ്സുള്ള സോണിയ, ആരോഗ്യ പ്രശ്‌നങ്ങള്‍ കാരണം തെരഞ്ഞെടുപ്പില്‍ നിന്ന് വിട്ടുനില്‍ക്കും എന്ന് അഭ്യൂഹങ്ങളുണ്ടായിരുന്നു. 2004മുതല്‍ സോണിയ പ്രതിനിധീകരിച്ചു വരുന്ന റായ്ബറേലിയും രാഹുല്‍ ഗാന്ധിയുടെ അമേഠിയും ഒഴികെയുള്ള മണ്ഡലങ്ങളില്‍ ബിഎസ്പി-എസ്പി സഖ്യം മത്സരിക്കുമെന്ന് പ്രഖ്യാപിച്ചിരുന്നു. ഇതും സോണിയ വീണ്ടും തെരഞ്ഞെടുപ്പില്‍ മത്സരിക്കുമെന്ന അഭ്യൂഹം ശക്തമാകാന്‍ ഇടയായി.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com