ജയ്പൂര്: അവിഹിതം സംശയിച്ച് ഭാര്യയെ, ഭർത്താവ് കല്ലുകൊണ്ട് തലക്കടിച്ച് കൊന്നു. സംഭവവുമായി ബന്ധപ്പെട്ട് ഭര്ത്താവ് ജുമാൻ സിങ് (32) അറസ്റ്റിലായി. ശനിയാഴ്ച രാത്രി ജയ്പൂരിലായിരുന്നു സംഭവം. ജുമാന് സിങ് ഭാര്യയായ പൂജയെ കല്ലുകൊണ്ട് തലയ്ക്കടിച്ച് കൊലപ്പെടുത്തുകയായിരുന്നു.
ഭാര്യയ്ക്ക് മറ്റൊരാളുമായി അവിഹിത ബന്ധമുണ്ടെന്ന് ജുമാന് സിങ്ങിന് സംശയമുണ്ടായിരുന്നു. ഇത് സംബന്ധിച്ച് പലതവണ ഇവര് തര്ക്കത്തിലേര്പ്പിട്ടിരുന്നതായും പ്രകോപിതനായ ഇയാള് പൂജയെ തലയ്ക്കടിച്ച് കൊലപ്പെടുത്തുകയായിരുന്നു എന്നും പൊലീസ് പറഞ്ഞു.
സംഭവത്തില് കൊലക്കുറ്റം ചുമത്തി കേസെടുത്തതായി പൊലീസ് അറിയിച്ചു. പൂജയുടെ മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ