മുംബൈ: പ്രശസ്ത സാമ്പത്തിക വിദഗ്ധയും എഎപി നേതാവുമായിരുന്ന മീരാ സന്യാല്‍ (57) അന്തരിച്ചു. അര്‍ബുദ രോഗ ബാധയെ തുടര്‍ന്ന് അവര്‍ ചികിത്സയിലായിരുന്നു. കാല്‍ നൂറ്റാണ്ടിലേറെ നിന്ന ബാങ്കിങ് ജോലി അവസാനിപ്പിച്ചാണ് ജന്‍മം കൊണ്ട് കൊച്ചിക്കാരിയായ മീര രാഷ്ട്രീയത്തിലിറങ്ങിയത്. രാഷ്ട്രീയ പ്രവേശം നടത്തുമ്പോള്‍ സ്‌കോട്ട്‌ലന്‍ഡ് റോയല്‍ ബാങ്കിന്റെ സിഇഒ ആയിരുന്നു അവര്‍.
2014 ല്‍ മുംബൈ സൗത്ത് മണ്ഡലത്തില്‍ നിന്നും ലോക്‌സഭാ തെരഞ്ഞെടുപ്പില്‍ ജനവിധി തേടിയിരുന്നു. മീരയുടെ നിര്യാണത്തിലൂടെ മികച്ച സാമ്പത്തിക വിദഗ്ധയെയും മാന്യയായ വ്യക്തിയെയുമാണ് രാജ്യത്തിന് നഷ്ടമായിരിക്കുന്നതെന്ന് എഎപി നേതാവും ഡല്‍ഹി ഉപമുഖ്യമന്ത്രിയുമായ മനീഷ് സിസോദിയ ട്വിറ്ററില്‍ കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
