മുംബൈ: മഹാരാഷ്ട്രയില് വരുന്ന ലോക്സഭ തെരഞ്ഞടുപ്പിലും സഖ്യമായി തന്നെ നീങ്ങാന് കോണ്ഗ്രസ്-എന്സിപി ധാരണ. നാല്പ്പത്തിയെട്ട് സീറ്റുകളില് 45ലും ധാരണയായെന്ന് എന്സിപി അധ്യക്ഷന് ശരദ് പവാര് വ്യക്തമാക്കി. പവാറും രാഹുല് ഗാന്ധിയും നടത്തിയ ചര്ച്ചയ്ക്ക് ശേഷമാണ് തീരുമാനം.
സഖ്യത്തില് ഇടതു പാര്ട്ടികള്ക്കു സീറ്റുകള് നല്കുമെന്നും പവാര് വ്യക്തമാക്കി. കോണ്ഗ്രസിന്റെ സീറ്റുകളില് നിന്നാകും ഇടതു പാര്ട്ടികള്ക്ക് സീറ്റ് നല്കുക. എന്സിപിയുടെ ഒരു സീറ്റ് കര്ഷക നേതാവ് രാജു ഷെട്ടിയുടെ സ്വാഭിമാനി ശെത്കരി സംഘടനയ്ക്കും നല്കും.
രാജ് താക്കറെയുടെ മഹാരാഷ്ട്ര നവനിര്മ്മാണ് സേനയുമായുള്ള സഖ്യനീക്ക വാര്ത്തകള് പവാര് നിഷേധിച്ചു. രണ്ടോ മൂന്നോ സീറ്റുകളെ കുറിച്ച് മാത്രമാണ് ഇനി തീരുമാനമാകാനുള്ളത്. ഇതുകൂടി തീരുമാനമാകാനാണ് കാത്തിരിക്കുന്നത്. അല്ലെങ്കില് ഇപ്പോള് തന്നെ സീറ്റുകളുടെ ധാരണയെക്കുറിച്ച് പ്രഖ്യാപനം നടത്തിയേനെയെന്ന് ശരദ് പവാര് കൂട്ടിച്ചേര്ത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ