ഭുവനേശ്വര് : മറ്റു രാഷ്ട്രീയക്കാരില് നിന്നും വ്യത്യസ്തനാണ് കോണ്ഗ്രസ് അധ്യക്ഷന് രാഹുല്ഗാന്ധി. രാഷ്ട്രീയക്കാരുടെ പതിവ് ജാഡകള്ക്ക് നിന്നുകൊടുക്കാത്ത രാഹുല് അവസരം കിട്ടുമ്പോഴെല്ലാം, സുരക്ഷ വിലക്കുകള് മറികടന്നും സാധാരണക്കാരുമായി ഇടപഴകാന് ശ്രമിക്കാറുമുണ്ട്.
രാഹുലിന്റെ മനുഷ്യത്വത്തിന്റെയും സഹജീവി സ്നേഹത്തിന്റെയും മറ്റൊരു ഉദാഹരണമാണ് ഭുവനേശ്വറില് നടന്നത്. ലോക്സഭാ തെരഞ്ഞെടുപ്പിന്റെ കോണ്ഗ്രസ് മുന്നൊരുക്കങ്ങള് വിലയിരുത്താനാണ് രാഹുല്ഗാന്ധി ഒഡീഷയിലെത്തിയത്. ഭുനേശ്വര് വിമാനത്താവളത്തിലെത്തിയ രാഹുലിന്റെ ഫോട്ടോ പകര്ത്താനുള്ള ശ്രമത്തിനിടെ, ഒരു ഫോട്ടോഗ്രാഫര് പടിയില് നിന്നും നില തെറ്റി തലകുത്തി താഴേക്ക് വീണു.
ഫോട്ടോഗ്രാഫര് വീഴുന്നതുകണ്ട രാഹുല്ഗാന്ധി മറ്റൊന്നും നോക്കാതെ വീണയാളുടെ അടുത്തേക്ക് കുതിക്കുന്നത് ചിത്രത്തില് കാണാം. മറ്റൊരാള് ഇദ്ദേഹത്തെ പിടിക്കാന് ശ്രമിക്കുന്നു. താഴെ വീണ ഫോട്ടോഗ്രാഫറെ പിടിച്ചെഴുന്നേല്പ്പിച്ച ശേഷം രാഹുല്ഗാന്ധി വിവരങ്ങള് തിരക്കുകയും ചെയ്തു. ദി ന്യൂ ഇന്ത്യന് എക്സ്പ്രസ് ദിനപ്പത്രത്തിന്റെ ഫോട്ടോഗ്രാഫര് ബിശ്വനാഥാണ് ഈ ചിത്രം പകര്ത്തിയത്. രാഹുലിന്റെ പ്രവൃത്തി സമൂഹമാധ്യമങ്ങളില് വന് കൈയടി നേടുകയാണ് ഈ ചിത്രങ്ങള് സോഷ്യല് മീഡിയയില് വൈറലായി മാറിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ