കുഷിനഗര്‍: വ്യോമസേനയുടെ ജാഗ്വര്‍ വിമാനം തകര്‍ന്നു വീണു. ലക്‌നൗവിന് 300 കിലോമീറ്റര്‍ അകലെ വച്ചാണ് വിമാനം തകര്‍ന്ന് വീണത്. പൈലറ്റ് രക്ഷപെട്ടു. പതിവ് നിരീക്ഷണപ്പറക്കല്‍ നടത്തുന്നതിനിടെയാണ് അപകടമുണ്ടായതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
ഒരു വര്‍ഷത്തിനുള്ളില്‍ സമാനമായ രീതിയില്‍ തകര്‍ന്ന് വീഴുന്ന രണ്ടാമത്തെ വിമാനമാണിത്. ജൂണില്‍ ജാംനഗറില്‍ വച്ചാണ് നേരത്തേ അപകടമുണ്ടായത്. അന്നും പൈലറ്റ് രക്ഷപെട്ടിരുന്നു. 1979ലാണ് ഇരട്ട എഞ്ചിനുള്ള ജാഗ്വാര്‍ വിമാനങ്ങള്‍ ഇന്ത്യ സ്വന്തമാക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
