നാഗപട്ടണം: ബീഫ് സൂപ്പിന്റെ ചിത്രം ഫെയ്സ്ബുക്കില് പോസ്റ്റ് ചെയ്തതിന്റെ പേരില് തമിഴ്നാട്ടിലെ നാഗപട്ടണത്ത് യുവാവിനെ സംഘംചേര്ന്ന് മര്ദ്ദിച്ചുവെന്ന് പരാതി. സംഭവത്തില് നാലുപേരെ പോലീസ് അറസ്റ്റ് ചെയ്തിട്ടുണ്ടെന്ന് പി.ടി.ഐ വാര്ത്താ ഏജന്സി റിപ്പോര്ട്ടുചെയ്തു.
മുഹമ്മദ് ഫൈസല് ഖാന് (24) ആണ് ഫെയ്സ്ബുക്കില് ബീഫ് സൂപ്പിന്റെ ചിത്രം പോസ്റ്റുചെയ്യുകയും അതിന്റെ സ്വാദിനെപ്പറ്റി വിവരിക്കുകയും ചെയ്തത്. ഇതിനു പിന്നാലെ ഒരുസംഘം ആളുകള് വ്യാഴാഴ്ച രാത്രി യുവാവിന്റെ വീട്ടിലെത്തുകയും എതിര്പ്പ് അറിയിക്കുകയും ചെയ്തു. തര്ക്കത്തിനൊടുവിലാണ് അവര് യുവാവിനെ മര്ദ്ദിച്ചതെന്ന് വാര്ത്താ ഏജന്സിയുടെ റിപ്പോര്ട്ടില് പറയുന്നു.
പരിക്കേറ്റ യുവാവിനെ നാഗപട്ടണത്തെ സര്ക്കാര് ആശുപത്രിയില് പ്രവേശിപ്പിച്ചു. ജില്ലാ പോലീസ് സൂപ്രണ്ട് നല്കിയ നിര്ദ്ദേശത്തിന്റെ അടിസ്ഥാനത്തില് സംഭവത്തില് നാലുപേരെ അറസ്റ്റ് ചെയ്തിട്ടുണ്ട്. വധശ്രമം അടക്കമുള്ള കുറ്റങ്ങള് ചുമത്തിയാണ് അക്രമികള്ക്കെതിരെ പോലീസ് കേസെടുത്തിട്ടുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ