ന്യൂഡല്ഹി: 2020-ലെ യുപിഎസ് സിയുടെ പരീക്ഷാ കലണ്ടര് പ്രസിദ്ധീകരിച്ചു. മേയ് 31 ഞായറാഴ്ചയാണ് സിവില് സര്വീസസ് പ്രിലിമിനറി പരീക്ഷ. ഫോറസ്റ്റ് സര്വീസസ് പ്രിലിമിനറിയും ഇതേ ദിവസം നടക്കും. സെപ്റ്റംബര് 18 മുതലാണ് മെയിന് പരീക്ഷ.
ഫെബ്രുവരി 12-ാം തിയതി മുതല് മാര്ച്ച് മൂന്നാം തിയതി വരെയാണ് അപേക്ഷിക്കാനുള്ള സമയം. എന്ജിനീയറിങ് സര്വീസസ് പരീക്ഷയുടെ പ്രിലിമിനറി ജനുവരി അഞ്ചാം തിയതിയും മെയിന് ജൂണ് 28-ാം തിയതിയുമാണ്. കംബൈന്ഡ് ഡിഫന്സ് സര്വീസസ് പരീക്ഷ I, II എന്നിവ ഫെബ്രുവരി രണ്ട്, നവംബര് എട്ട് തിയതികളില് നടക്കും.
പരീക്ഷകളും തിയതികളും
സി.ഐ.എസ്.എഫ് (അസിസ്റ്റന്ഡ് കമാന്ഡന്റ്) : മാര്ച്ച് ഒന്ന്
നാഷണല് ഡിഫന്സ് അക്കാദമി/ നേവല് അക്കാദമി I : ഏപ്രില് 19
ഇന്ത്യന് ഇക്കണോമിക്സ് സര്വീസ് പരീക്ഷ : ജൂണ് 26
കംബൈന്ഡ് മെഡിക്കല് സര്വീസസ് : ജൂലായ് 19
സെന്ട്രല് ആംഡ് പൊലീസ് ഫോഴ്സസ് (അസിസ്റ്റന്ഡ് കമാന്ഡന്റ്) : ഓഗസ്റ്റ് ഒമ്പത്
മറ്റുപരീക്ഷകളെക്കുറിച്ചുള്ള വിവരങ്ങൾ http://www.upsc.gov.inഎന്ന വെബ്സൈറ്റില് ലഭ്യമാണ്. പരീക്ഷാ കലണ്ടര് വെബ്സൈറ്റില് പ്രസിദ്ധീകരിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ