ശ്രീനഗര്‍: കശ്മിരിലെ പുല്‍വാമയില്‍ നാല് ഭീകരരെ സൈന്യം വധിച്ചു. പുല്‍വമയിലെ ലസ്സിപ്പോരയിലുണ്ടായ ഏറ്റുമുട്ടലിലാണ് നാല് ഭീകരര്‍ മരിച്ചത്. ഇവരില്‍ നിന്ന് ആയുധങ്ങളും സൈന്യം പിടിച്ചെടുത്തിട്ടുണ്ട്. രണ്ട് എകെ 47 റൈഫിളും ഒരു എകെഎം റൈഫിളുമാണ് പിടികൂടിയത്.
പ്രദേശത്ത് തീവ്രവാദികളുടെ സാന്നിധ്യമുണ്ടെന്ന രഹസ്യാന്വേഷണ വിവരങ്ങളെ തുടര്‍ന്നാണ് സൈന്യം തിരച്ചില്‍ ആരംഭിച്ചത്. മരിച്ച നാല് തീവ്രവാദികളില്‍ ഒരാള്‍ മുന്‍ സ്‌പെഷല്‍ പൊലീസ് ഓഫീസറായിരുന്നു.
പ്രദേശത്ത് കൂടുതല്‍ ഭീകരര്‍ ഒളിഞ്ഞരിക്കുന്നതായി സംശയമുണ്ട്. സൈന്യം തിരച്ചില്‍ തുടരുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
