'ആന്ധ്രാ ഗവർണർ സുഷമയ്ക്ക് അഭിനന്ദനങ്ങൾ', ട്വീറ്റ് മുക്കി കേന്ദ്രമന്ത്രി ഹര്‍ഷ വര്‍ധന്‍; ഒടുവിൽ വിശദീകരണവുമായി സുഷമ സ്വരാജ് 

ആന്ധ്രാ ഗവർണർ ആയി സുഷമ ചുമതല ഏൽക്കും എന്നതരത്തിൽ അഭ്യൂഹങ്ങൾ പരന്നതിന് പിന്നാലെയാണ് വിശദീകരണം
'ആന്ധ്രാ ഗവർണർ സുഷമയ്ക്ക് അഭിനന്ദനങ്ങൾ', ട്വീറ്റ് മുക്കി കേന്ദ്രമന്ത്രി ഹര്‍ഷ വര്‍ധന്‍; ഒടുവിൽ വിശദീകരണവുമായി സുഷമ സ്വരാജ് 

ന്യൂഡല്‍ഹി: ആന്ധ്രാ പ്രദേശ് ഗ​വ​ർ​ണ​റാ​യി ചു​മ​ത​ല​യേ​ൽ​ക്കു​മെന്ന വാർത്തകൾ തള്ളി സുഷമ സ്വരാജ്. ആന്ധ്രാ ഗവർണർ ആയി സുഷമ ചുമതല ഏൽക്കും എന്നതരത്തിൽ അഭ്യൂഹങ്ങൾ പരന്നതിന് പിന്നാലെയാണ് വിശദീകരണം. വിദേശകാര്യമന്ത്രിയുടെ ചുമതല ഒഴിയുന്നതിന്റെ ഭാ​ഗമായി ഉപരാഷ്ട്രപതി വെങ്കയ്യ നായിഡുവിനെ കണ്ടിരുന്നെന്നും ഇതാകാം അഭ്യൂ​ഹങ്ങൾക്ക് കാരണമായതെന്നുമാണ് സുഷമയുടെ പ്രതികരണം. 

ആന്ധ്രാ പ്രദേശ് ഗ​വ​ർ​ണ​റാ​യി ചു​മ​ത​ല​യേ​ൽ​ക്കു​ന്ന മു​തി​ർ​ന്ന ബി​ജെ​പി നേ​താ​വും മു​ൻ വി​ദേ​ശ​കാ​ര്യ​മ​ന്ത്രി​യു​മാ​യ സു​ഷ​മ സ്വ​രാ​ജി​ന് ആശംസകൾ അറിയിച്ച് കേന്ദ്ര ആരോഗ്യമന്ത്രി ഹര്‍ഷ വര്‍ധന്‍ ട്വീറ്റ് ചെയ്തതിന് പിന്നാലെയാണ് വാർത്തകൾ വന്നത്. എന്നാല്‍ അരമണിക്കൂറിനുള്ളില്‍ ഹര്‍ഷ് വര്‍ദ്ധന്‍ ട്വീറ്റ് പിന്‍വലിച്ചു. ട്വീ​റ്റി​ന്‍റെ സ്ക്രീ​ൻ ഷോ​ട്ട് സ​ഹി​തം എ​ൻ​ഐ​എ​യാ​ണ് ഇ​ക്കാ​ര്യം റി​പ്പോ​ർ​ട്ട് ചെ​യ്ത​ത്. നി​ല​വി​ൽ ഇ​എ​സ്എ​ൽ ന​ര​സിം​ഹ​നാ​ണ് ആ​ന്ധ്രാ​പ്ര​ദേ​ശ് സം​സ്ഥാ​ന​ത്തി​ന്‍റെ ഗ​വ​ർ​ണ​ർ. 

മുന്‍ വിദേശകാര്യമന്ത്രിയായ സുഷമ സ്വരാജ് ആരോഗ്യ കാരണങ്ങള്‍ ചൂണ്ടിക്കാട്ടിയാണ് രണ്ടാം മോദി മന്ത്രിസഭയില്‍ നിന്ന് വിട്ട് നിന്നത്. എസ് ജയശങ്കറാണ് വിദേശകാര്യമന്ത്രിയായി ചുമതലയേറ്റത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com