ന്യൂഡല്‍ഹി: ഉത്തര്‍പ്രദേശ് ബാര്‍ കൗണ്‍സില്‍ പ്രസിഡന്റ് സഹപ്രവര്‍ത്തകന്റെ വെടിയേറ്റ് മരിച്ചു. ദര്‍വേഷ് യാദവിനാണ് കോടതിപരിസരത്ത് വച്ച് വെടിയേറ്റത്. രണ്ടുദിവസം മുന്‍പാണ് ബാര്‍ കൗണ്‍സില്‍ പ്രസിഡന്റായി ഇവര്‍ തെരഞ്ഞെടുക്കപ്പെട്ടത്.
ഇന്ന് ആഗ്ര ജില്ലാ കോടതി പരിസരത്ത് വച്ചാണ് സംഭവം. ഒരു പരിപാടിയില്‍ പങ്കെടുക്കുന്നതിനിടെയാണ് ദര്‍വേഷ് യാദവിന് വെടിയേറ്റത്. സഹപ്രവര്‍ത്തകന്‍ ഇവര്‍ക്ക് നേരെ നിറയൊഴിക്കുകയായിരുന്നു.
അഭിഭാഷകന്‍ മനീഷാണ് ആക്രമിച്ചത്. ഉടന്‍ തന്നെ ഇയാള്‍ സ്വയം നിറയൊഴിച്ച് ആത്മഹത്യയ്ക്ക് ശ്രമിച്ചു. ഗുരുതരാവസ്ഥയിലായ മനീഷിനെ അടുത്തുളള ആശുപത്രിയില്‍ പ്രവേശിപ്പിച്ചതായി പൊലീസ് പറയുന്നു.
ദര്‍വേഷ് യാദവിന് നേര്‍ക്ക് മൂന്നുതവണ മനീഷ് വെടിയുതിര്‍ത്തതായി ദൃക്‌സാക്ഷികള്‍ പറയുന്നു.കോടതിയില്‍ അവര്‍ക്കായി ഒരുക്കിയ സ്വീകരണ പരിപാടിയില്‍ പങ്കെടുക്കുന്നതിനിടെയാണ് സംഭവമെന്ന് പൊലീസ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
