ന്യൂഡല്‍ഹി: സിനിമയുടെയും ടെലിവിഷന്‍ പരിപാടികളുടെയും പേരുകള്‍ ഇന്ത്യന്‍ ഭാഷയില്‍ ആവണമമെന്ന് കേന്ദ്രവാര്‍ത്താ വിതരണ മന്ത്രാലയത്തിന്റെ ഉത്തരവ്. ഇന്ത്യന്‍ ഭാഷകള്‍ക്ക് പുറമെ വേണമെങ്കില്‍ ഇംഗ്ലീഷുലും പേരുകള്‍ പ്രദര്‍ശിപ്പിക്കാമെന്ന് ഉത്തരവില്‍ പറയുന്നു.
ടിവി പരിപാടികളില്‍ പേരും പിന്നണിയില്‍ പ്രവര്‍ത്തിച്ചവരുടെ വിവരങ്ങളും ഇംഗ്ലീഷില്‍ മാത്രം നല്‍കുന്നത് ശ്രദ്ധയില്‍പ്പെട്ടതിനെ തുടര്‍ന്നാണ് ഇത്തരം ഒരു ഉത്തരവ് ഇറക്കുന്നതെന്ന് വാര്‍ത്താവിതരണമന്ത്രാലയം അറിയിച്ചു. ഹിന്ദി ചാനലുകളിലും പ്രാദേശിക വാര്‍ത്താ ചാനലുകളിലും ഈ രീതി വ്യാപകമായി കാണുന്നുണ്ട്. പേരു വിവരങ്ങള്‍ ഇന്ത്യന്‍ ഭാഷകളില്‍ നല്‍കണമെന്ന് ചാനലുകള്‍ക്ക് നിര്‍ദ്ദേശം നല്‍കിയിട്ടുണ്ട്.ഇതിനൊപ്പം ആവശ്യമെങ്കില്‍ ഇംഗ്ലീഷിലും വിവരങ്ങള്‍ നല്‍കാമെന്ന് മന്ത്രാലയം അറിയിച്ചു.
സിനിമയിലും സമാനമായ ഉത്തരവിറക്കുമെന്ന് വാര്‍ത്താവിതരണ വകുപ്പ് മന്ത്രി പ്രകാശ് ജാവഡേക്കര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
