കൊല്ക്കത്ത: ലോക്സഭാ തെരഞ്ഞടുപ്പിന് പിന്നാലെ ബംഗാളില് തൃണമൂല് കോണ്ഗ്രസില് നിന്ന് ബിജെപിയിലേക്കുള്ള ഒഴുക്ക് തുടരുന്നു. ബോന്ഗാവ് എംഎല്എ ബിശ്വജിത്ത് ദാസ്, പന്ത്രണ്ട് കൗണ്സിലര്മാര്, കോണ്ഗ്രസ് വക്താവ്
പ്രസന്നജീത് ഘോഷ് എന്നിവര് ബിജെപിയില് ചേര്ന്നു.
തന്റെ പാര്ട്ടിയില് നിന്ന് വലിച്ചെറിയുന്ന മാലിന്യങ്ങളെയാണ് ബിജെപി സ്വീകരിക്കുന്നത്. പാര്ട്ടിയുടെ ഉത്തരവാദിത്തപ്പെട്ട ഒരാളും ബിജെപിയിലെത്തിയിട്ടില്ലെന്ന് മമത പറഞ്ഞു.
ബിജെപി ജനറല് സെക്രട്ടറിയും ബംഗാളിന്റെ ചുമതലയുള്ള നേതാവുമായ കൈലാശ് വിജയവര്ഗിയ, മുതിര്ന്ന നേതാവ് മുകുള് റോയ് എന്നിവരുടെ സാന്നിധ്യത്തിലായിരുന്നു ചടങ്ങ്. ഇന്നലെ ഒരു തൃണമൂല് എംഎല്എയും പതിന്നാല് കൗണ്സിലര്മാരുമടക്കം പതിനഞ്ച് പേര് ബിജെപിയില് ചേര്ന്നിരുന്നു.
ലോക്സഭാ തെരഞ്ഞടുപ്പില് 18 സീറ്റുകള് നേടി ബംഗാളില് ബിജെപി ചരിത്രവിജയം നേടിയിരുന്നു. ലോക്സഭാ തെരഞ്ഞടുപ്പ് പ്രചാരണത്തില് തൃണമൂല് കോണ്ഗ്രസിന്റെ 40 എംഎല്എമാര് ബിജെപിയിലെത്തുമെന്ന് പ്രധാനമന്ത്രി നരേന്ദ്രമോദിയും അഭിപ്രായപ്പെട്ടിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ