ചെന്നൈ: വരള്ച്ച മൂലം ദുരിതം പേറുന്ന ചെന്നൈ നിവാസികള്ക്ക് ആശ്വാസമായി നഗരത്തില് മഴ പെയ്തു. കുടിവെള്ള ക്ഷാമം രൂക്ഷമായ ആമ്പത്തൂര്, വില്ലിവാക്കം, അശോക് നഗര്, താമ്പരം, ടി നഗര്, തൈനാപേട്ട്, നന്ദനം വടപളനി, റോയപ്പേട്ട ഉള്പ്പടെയുള്ള പ്രദേശങ്ങളില് കനത്ത മഴയാണ് പെയ്തത്. ശക്തമായ മഴ മൂലം നഗരത്തില് വന് ഗതാഗതക്കുരുക്കാണ് അനുഭവപ്പെട്ടത്.
ചൊവാഴ്ച്ച വൈകുന്നേരം അഞ്ചരയോടെ 9.5 മില്ലി മീറ്റര് അളവിലാണ് മഴ ലഭിച്ചതെന്ന് നുങ്കപക്കം കലാവസ്ഥ നിരീക്ഷണകേന്ദ്രം റിപ്പോര്ട്ട് ചെയ്തു. എന്നാല് സംസ്ഥാനത്തെ ഉള്ഗ്രാമങ്ങളില് പെയ്ത മഴയുടെ അളവ് വളരെ കുറവായിരുന്നു. അതേസമയം, വരള്ച്ച നേരിടാന് കടല് വെള്ളം ശുദ്ധീകരിക്കാനുള്ള പദ്ധതികള് നടപ്പാക്കാന് സര്ക്കാര് തീരുമാനിച്ചു. ദിവസേന 150 മില്ല്യണ് ലിറ്റര് കടല്വെള്ളം ശുദ്ധീകരിക്കും.ഡീസാലിനേഷന് പ്ലാന്റുകള് സ്ഥാപിക്കാന് യുഎഇ ആസ്ഥാനമായ കമ്പനിയുമായി 1700 കോടി രൂപയുടെ കരാര് ഒപ്പിട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ