റാഞ്ചി: രാജ്യത്തെ പ്രധാന കള്ളന്‍മാരുടെയെല്ലാം പേരുകള്‍ മോദിയെന്നാണെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. റാഞ്ചിയില്‍ നടന്ന റാലിയിലാണ് രാഹുല്‍ ഗാന്ധിയുടെ പരാമര്‍ശം. നീരവ് ഭായ്, മെഹുള്‍ ഭായ് എന്നിങ്ങനെയായിരുന്നു ഇവരെ അദ്ദേഹം നേരത്തേ അഭിസംബോധന ചെയ്തിരുന്നതെന്നും കോണ്‍ഗ്രസ് അധ്യക്ഷന്‍ ആരോപിച്ചു.
നീരവ് മോദിയും ലളിത് മോദിയുമെല്ലാം സാമ്പത്തിക സ്ഥാപനങ്ങളെയാണ് വഞ്ചിച്ചതെങ്കില്‍ പ്രധാനമന്ത്രി രാജ്യത്തെയാണ് വഞ്ചിച്ചത്. വ്യോമസേന രാജ്യത്തെ കാത്ത് സൂക്ഷിക്കുന്നു. പൈലറ്റുമാര്‍ ജീവന്‍ പണയം വച്ചും അതിര്‍ത്തിയില്‍ പോരാടുന്നു. പക്ഷേ പ്രധാനമന്ത്രി ഇവരുടെ സുരക്ഷയ്ക്കുള്ള പണം മോഷ്ടിച്ച് അനില്‍ അംബാനിയുടെ പോക്കറ്റില്‍ നിക്ഷേപിക്കുകയാണ് ചെയ്തത്‌. ഇത് നാണംകെട്ട പരിപാടിയാണെന്നും രാഹുല്‍ ഗാന്ധി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
