ലക്നൗ : ലോക്സഭാ തെരഞ്ഞെടുപ്പിന് സമാജ് വാദി പാര്ട്ടി ആദ്യസ്ഥാനാര്ത്ഥി പട്ടിക പുറത്തിറക്കി. ആറ് സ്ഥാനാര്ത്ഥികളുടെ പേരുകള് ഉള്പ്പെടുന്ന പട്ടികയാണ് പുറത്തിറക്കിയിട്ടുള്ളത്. എസ് പി നേതാവും പാര്ട്ടി അധ്യക്ഷന് അഖിലേഷ് യാദവിന്റെ പിതാവുമായ മുലായംസിംഗ് യാദവ് മെയിന്പുരിയില് മല്സരിക്കും.
മുലായം ഇപ്പോള് അസംഗഡില് നിന്നുള്ള ലോക്സഭാംഗമാണ്. 2014 ലെ തെരഞ്ഞെടുപ്പില് മുലായം മെയിന്പുരിയിലും അസംഗഡിലുമാണ് മല്സരിച്ചത്. നേരത്തെ 1996, 2004, 2009 തെരഞ്ഞെടുപ്പുകളില് മുലായം മെയിന്പുരിയില് നിന്നും ലോക്സഭാംഗമായി ജയിച്ചിരുന്നു.
അഖിലേഷ് യാദവിന്റെ ബന്ധു ധര്മ്മേന്ദ്ര യാദവ് ബദൗനില് മല്സരിക്കും. എസ് പി നേതാവ് രാംഗോപാല് യാദവിന്റെ മകന് അക്ഷയ് ഫിറോസാബാദിലും ജനവിധി തേടും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ