ദുരഭിമാനക്കൊല: കാമുകിയുടെ വീട്ടുകാര്‍ യുവാവിനെ കൊന്ന് കുറ്റിക്കാട്ടില്‍ തള്ളി 

താനെ ജില്ലയിലെ അംബര്‍നാഥ് സ്വദേശിനിയായ പെണ്‍കുട്ടിയും കല്‍പേഷും തമ്മില്‍ പ്രണയത്തിലായിരുന്നു.
ദുരഭിമാനക്കൊല: കാമുകിയുടെ വീട്ടുകാര്‍ യുവാവിനെ കൊന്ന് കുറ്റിക്കാട്ടില്‍ തള്ളി 

താനെ: യുവാവിനെ കാമുകിയുടെ ബന്ധുക്കള്‍ കൊന്ന് കുറ്റിക്കാട്ടില്‍ തള്ളി. മഹാരാഷ്ട്രയിലെ താനയിലാണ് ദാരുണസംഭവം അരങ്ങേറിയത്. കല്‍പേഷ് ചൗധരി എന്ന ഇരുപത്തിമൂന്ന് കാരനാണ് പ്രണയബന്ധത്തിന്റെ പേരില്‍ ക്രൂരമായി കൊലചെയ്യപ്പെട്ടത്.

താനെ ജില്ലയിലെ അംബര്‍നാഥ് സ്വദേശിനിയായ പെണ്‍കുട്ടിയും കല്‍പേഷും തമ്മില്‍ പ്രണയത്തിലായിരുന്നു. പെണ്‍കുട്ടിയുടെ വീട്ടുകാര്‍ ഈ ബന്ധത്തെ ശക്തമായി എതിര്‍ത്തു. ഉതുമായി ബന്ധപ്പെട്ട് ഇരുകുടുംബങ്ങളും തമ്മില്‍ നേരത്തേ വാക്കേറ്റമുണ്ടായിരുന്നതായും പൊലീസ് അറിയിച്ചു.

ഈ മാസം ആദ്യം മുതലേ കല്‍പേഷിനെ കാണാതായിട്ടുണ്ടായിരുന്നു. തുടര്‍ന്ന് നടത്തിയ അന്വേഷണത്തില്‍ വ്യാഴാഴ്ച മുര്‍ബാദ്മാസ റോഡിലെ ഒരു ഫാംഹൗസിനു സമീപമുള്ള കുറ്റിക്കാട്ടില്‍ നിന്നും അഴുകിയ നിലയില്‍ കല്‍പേഷിന്റെ മൃതദേഹം പൊലീസ് കണ്ടെത്തി.

കല്‍പേഷിനെ പെണ്‍കുട്ടിയുടെ ബന്ധുക്കള്‍ ചേര്‍ന്ന് അടിച്ചു കൊല്ലുകയായിരുന്നുവെന്ന് അന്വേഷണത്തില്‍ വ്യക്തമായതായി പൊലീസ് അറിയിച്ചു. മൂന്നു പേര്‍ ചേര്‍ന്നാണ് കല്‍പേഷിനെ കൊലപ്പെടുത്തിയത്. ഇതില്‍ രണ്ടുപേരെ പൊലീസ് അറസ്റ്റ് ചെയ്തു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com