ചെന്നൈ: ലോക്സഭ തെരഞ്ഞെടുപ്പില് മുല്ലപ്പെരിയാര് പ്രചാരണായുധമാക്കി ഡിഎംകെ. പാര്ട്ടി അധികാരത്തിലെത്തിയാല് മുല്ലപ്പെരിയാറില് പുതിയ അണക്കെട്ട് നിര്മ്മിക്കാനുള്ള നീക്കത്തെ ശക്തമായി തടയുമെന്ന് ഡിഎംകെ അധ്യക്ഷന് എംകെ സ്റ്റാലിന് പറഞ്ഞു. ഡിഎംകെ അധികാരത്തിലെത്തിയാല് ഡാമിന്റെ ജലനിരപ്പ് 152അടി ആക്കണം എന്നുള്ള സുപ്രീംകോടതി ഉത്തരവ് നടപ്പാക്കാന് ശക്തമായി ഇടപെടുമെന്നും അദ്ദേഹം പറഞ്ഞു.
തമിഴ്നാട്ടിലെ കര്ഷകര്ക്കും വ്യവസായാവശ്യങ്ങള്ക്കും മുല്ലപ്പെരിയാറില് നിന്ന് കൂടുതല് വെള്ളമെത്തിക്കാനുള്ള നടപടി സ്വീകരിക്കുമെന്നും സ്റ്റാലിന് പറഞ്ഞു.
കേരളം ഭരിക്കുന്ന ഇടത് പാര്ട്ടികളും സ്റ്റാലിന്റെ ഡിഎംകെയും ഒരേ മുന്നണിയിലാണ് ലോക്സഭ തെരഞ്ഞെടുപ്പിനെ തമിഴ്നാട്ടില് നേരിടുന്നത്. ഈ സഹചര്യത്തിലാണ് രണ്ട് സംസ്ഥാനങ്ങള്ക്കിടയില് എപ്പോഴും കത്തി നില്ക്കുന്ന മുല്ലപ്പെരിയാര് വിഷയം ആയുധമാക്കി സ്റ്റാലിന് തമിഴ്നാട്ടില് തെരഞ്ഞെടുപ്പ് ക്യാമ്പയിന് നടത്തുന്നത് എന്നത് ശ്രദ്ധേയമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ