റായ് ബറേലി: എന്തുകൊണ്ട് വാരാണസിയില്‍ മത്സരിച്ചുകൂടായെന്ന് ഉത്തര്‍പ്രദേശിന്റെ ചുമതലയുള്ള എഐസിസി ജനറല്‍ സെക്രട്ടറി പ്രിയങ്കാ ഗാന്ധി. ലോക്‌സഭാ തെരഞ്ഞടുപ്പിന് ആഴ്ചകള്‍ മാത്രം ബാക്കി നില്‍ക്കെ പ്രധാനമന്ത്രിയുടെ പൊയ്മുഖങ്ങള്‍ അഴിഞ്ഞുവീഴുകയാണെന്നും പ്രിയങ്ക പറഞ്ഞു. സോണിയാ ഗാന്ധി മത്സരിക്കുന്ന റായ്ബറേലിയില്‍ പാര്‍ട്ടി റാലിയില്‍ സംസാരിക്കുകയായിരുന്നു പ്രിയങ്ക.
പ്രിയങ്ക പാര്‍ട്ടി പ്രവര്‍ത്തകരുമായി സംസാരിക്കുന്നതിനിടെയാണ് പ്രിയങ്ക മത്സരിക്കണമെന്നാവശ്യം ഉയര്‍ന്നത്. അപ്പോഴാണ് എന്തുകൊണ്ട് വാരാണസി ആയിക്കുടായെന്ന് പ്രിയങ്ക തമാശയായി ചോദിച്ചത്. ഈ തെരഞ്ഞടുപ്പ് കോണ്‍ഗ്രസിനെ സംബന്ധിച്ചിടത്തോളം ജീവന്‍മരണ പോരാട്ടമാണ്. റായ് ബറേലിയില്‍ മികച്ച ഭൂരിപക്ഷത്തില്‍ സോണിയ വിജയിക്കുമന്നും പ്രിയങ്ക പറഞ്ഞു.
പാര്‍ട്ടി ആവശ്യപ്പെടുകയാണെങ്കില്‍ മത്സരിക്കുമെന്ന് പ്രിയങ്ക കഴിഞ്ഞ ദിവസം അഭിപ്രായപ്പെട്ടിരുന്നു. പ്രിയങ്ക തമാശയായി പറഞ്ഞതാണെങ്കിലും മോദിക്കെതിരെ മത്സരിക്കണമെന്നാണ് പാര്‍ട്ടി പ്രവര്‍ത്തകരുടെ ആവശ്യം. യുപിയുടെ ചുമതലയേറ്റതിന് പി്ന്നാലെ കോണ്‍ഗ്രസിന്റെ പ്രവര്‍ത്തനം മുന്‍വര്‍ഷങ്ങളില്‍ നിന്ന് വ്യത്യസ്തമായി മുന്നേറുന്നുവെന്നാണ് റിപ്പോര്‍ട്ടുകള്‍. പ്രധാനമന്ത്രി നരേന്ദ്രമോദിയുടെ മണ്ഡലമാണ് വാരാണസി
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
