അമൃത്സർ: ലോക്സഭ തെരഞ്ഞെടുപ്പ് തൊട്ടടുത്തെത്തി നിൽക്കെ പഞ്ചാബിൽ ആംആദ്മി പാർട്ടിക്ക് വീണ്ടും തിരിച്ചടി. എഎപി എംഎൽഎ കോണ്ഗ്രസിൽ ചേർന്നു. രൂപ്നഗർ മണ്ഡലത്തിലെ എംഎൽഎയായ അമർജിത്ത് സിംഗ് സന്ദോയാണ് മുഖ്യമന്ത്രി അമരീന്ദർ സിംഗിന്‍റെ സാന്നിധ്യത്തിൽ കോണ്ഗ്രസ് അംഗത്വം സ്വീകരിച്ചത്.
കോണ്ഗ്രസിന്റെ വികസന രാഷ്ട്രീയത്തിൽ താൽപര്യമുള്ളതുകൊണ്ടാണ് പാർട്ടിയിൽ ചേർന്നതെന്ന് അമർജിത്ത് പറഞ്ഞു. പഞ്ചാബിനോട് എഎപി നേതൃത്വം ധിക്കാരപരമായ നിലപാടാണ് സ്വീകരിക്കുന്നതെന്ന് അദ്ദേഹം പറഞ്ഞു.
അതേസമയം, അദ്ദേഹത്തിന്‍റെ പാർട്ടി പ്രവേശം കോണ്ഗ്രസിന് ശക്തി പകരുമെന്ന് മുഖ്യമന്ത്രി അമരീന്ദർ സിംഗ് വ്യക്തമാക്കി. കഴിഞ്ഞമാസം മൻസ മണ്ഡലത്തിലെ എഎപി എംഎൽഎ നാസര്‍ സിംഗ് കോൺഗ്രസിൽ ചേര്‍ന്നിരുന്നു. ഈ മാസം 19നാണ് പഞ്ചാബിൽ തെരഞ്ഞെടുപ്പ് നടക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
