പശുവിനെ ഇടിക്കാതിരിക്കാന്‍ വാഹനം വെട്ടിച്ചു മാറ്റി; മോഹന്‍ ഭാഗവതിന് അകമ്പടിപോയ വാഹനം അപകടത്തില്‍പ്പെട്ടു

മോഹന്‍ ഭാഗവതിനേര്‍പ്പെടുത്തിയ Z പ്ലസ് കാറ്റഗറിയിലെ സുരക്ഷയ്ക്കായി നിയോഗിക്കപ്പെട്ട സിആര്‍പിഎഫ് ജവാനാണ് പരിക്കേറ്റത്
പശുവിനെ ഇടിക്കാതിരിക്കാന്‍ വാഹനം വെട്ടിച്ചു മാറ്റി; മോഹന്‍ ഭാഗവതിന് അകമ്പടിപോയ വാഹനം അപകടത്തില്‍പ്പെട്ടു

പശുവിനെ ഇടിക്കാതിരിക്കുന്നതിനായി വെട്ടിച്ച് മാറ്റവെ ആര്‍എസ്എസ് തലവന്‍ മോഹൻ ഭാഗവതിന്റെ വാഹനവ്യൂഹത്തിലെ ഒരു വാഹനം അപകടത്തില്‍പ്പെട്ടു. റോഡിന് നടുവില്‍ നിന്നിരുന്ന പശുവിനെ ഇടിക്കാതിരിക്കാന്‍ പൊടുന്നനെ ബ്രേക്ക് ചവിട്ടിയതോടെ നിയന്ത്രണം വിട്ട വാഹനം തലകീഴായി മറിഞ്ഞു വീണു. മഹാരാഷ്ട്രയിലെ ചന്ദ്രപുര്‍ ജില്ലയില്‍ വെച്ചാണ് സംഭവം. 

അപകടത്തില്‍ ഒരു സിആര്‍പിഎഫ് ജവാന് പരിക്കേറ്റു. മോഹന്‍ ഭാഗവതിനേര്‍പ്പെടുത്തിയ Z പ്ലസ് കാറ്റഗറിയിലെ സുരക്ഷയ്ക്കായി നിയോഗിക്കപ്പെട്ട സിആര്‍പിഎഫ് ജവാനാണ് പരിക്കേറ്റത്. അപകടത്തില്‍ പശുവിന് പരിക്കേറ്റില്ലെന്ന് പൊലീസ് വ്യക്തമാക്കി. മോഹന്‍ ഭാഗവത് സഞ്ചരിച്ച വാഹനത്തിന് പിന്നില്‍ വന്ന വാഹനമാണ് അപകടത്തില്‍പ്പെട്ടത്. 

അപകടത്തില്‍പ്പെട്ട വാഹനത്തില്‍ അഞ്ച് സിആര്‍പിഎഫ് ജവാന്മാരാണ് ഉണ്ടായത്. 2017 ഒക്ടോബറില്‍ മോഹന്‍ ഭാഗവത് അപകടത്തില്‍പ്പെട്ടിരുന്നു. തന്റെ വാഹനവ്യൂഹത്തിലെ മറ്റൊരു വാഹനത്തിലേക്ക് ആര്‍എസ്എസ് തലവന്‍ സഞ്ചരിച്ച വാഹനം ഇടിച്ച് കയറുകയായിരുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com