ഇന്നത്തെ ജയം ജനങ്ങളുടെത്; മതേതരമുഖം മൂടിയണിഞ്ഞ് ജനത്തെ പറ്റിക്കാന്‍ ഒരു പാര്‍ട്ടിക്കും കഴിയില്ല: നരേന്ദ്രമോദി

ജനം സന്യാസിയായ തന്റെ ഭിക്ഷപാത്രം നിറച്ച് തന്നതില്‍ സന്തോഷവാനാണ്
ഇന്നത്തെ ജയം ജനങ്ങളുടെത്; മതേതരമുഖം മൂടിയണിഞ്ഞ് ജനത്തെ പറ്റിക്കാന്‍ ഒരു പാര്‍ട്ടിക്കും കഴിയില്ല: നരേന്ദ്രമോദി

ന്യൂഡല്‍ഹി: ഇന്ത്യന്‍ ജനതക്ക് മുന്നില്‍ തല കുനിക്കുന്നുവെന്ന് പ്രധാനമന്ത്രി നരേന്ദ്രമോദി. ഞാനല്ല. ജനങ്ങളാണ് വിജയിച്ചത്.   ഇത് ജനാധിപത്യത്തിന്റെ വിജയമാണ്. ഈ വിജയത്തില്‍ രാജ്യത്തെ ജനങ്ങളോട് നന്ദി പറയുന്നുവെന്ന് മോദി പറഞ്ഞു. തെരഞ്ഞെടുപ്പ് ഫലം പുറത്ത് വന്നതിന് പിന്നാലെ ബിജെപി ആസ്ഥാനത്ത് അണികളെ അഭിസംബോധന ചെയ്ത് സംസാരിക്കുകയായിരുന്നു മോദി.

ഈ വിജയം തന്റേതല്ല, ജനങ്ങളാണ് വിജയിച്ചത്. രാജ്യത്തിന് വേണ്ടി ജീവല്‍ ത്യാഗം ചെയ്തവരുടേതാണ്. ജനാധിപത്യത്തിന്റെ വിജയമാണ്. ജനം സന്യാസിയായ തന്റെ ഭിക്ഷപാത്രം നിറച്ച് തന്നതില്‍ സന്തോഷവാനാണ്. അഞ്ച് വര്‍ഷത്തെ ഭരണത്തിനിടയില്‍ ഒരു അഴിമതി ആരോപണം പോലും ഉണ്ടായില്ലെന്ന് മോദി പറഞ്ഞു.

മതേതരമുഖം മൂടിയണിഞ്ഞ് വോട്ടര്‍മാരെ പറ്റിക്കാന്‍ ഒരു രാഷ്ട്രീയ പാര്‍ട്ടിക്കും കഴിയില്ല.രാജ്യത്തെ ജനങ്ങളില്‍ എനിക്ക് വിശ്വാസമുണ്ട്, പുതിയ ഇന്ത്യയ്ക്കു വേണ്ടിയാണ് താന്‍ വോട്ട് തേടിയത്. കോടിക്കണക്കിന് പേര്‍ പിന്തുണച്ചു. എല്ലാവരോടും നന്ദി പറയുന്നുവെന്നും മോദി പറഞ്ഞു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com