ന്യൂഡല്ഹി: ഇന്ദിരാ ഗാന്ധി അന്താരാഷ്ട്ര വിമാനത്താവളത്തില് 10 വെടിയുണ്ടകളുമായി എത്തിയ യുവാവ് പിടിയിലായി. ഡല്ഹിയില് നിന്ന് ഗോവയിലേക്ക് യാത്രചെയ്യാനെത്തിയ ആര് പി മിഷ്റ എന്നയാളാണ് സുരക്ഷാ പരിശോധനയ്ക്കിടെ പിടിയിലായത്.
സിഐഎസ്എഫ് ഉദ്യോഗസ്ഥര് ബാഗ് പരിശോധിക്കുന്നതിനിടെയാണ് ബുള്ളറ്റുകള് ശ്രദ്ധയില്പ്പെട്ടത്. .32എംഎം വ്യാസത്തിലുള്ള പത്ത് വെടയുണ്ടകളാണ് പിടിച്ചെടുത്തത്. ഇവ കൈയ്യില് സൂക്ഷിച്ചതിന് മതിയായ രേഖകള് നല്കാന് കഴിതിരുന്നതിനാല് ഇയാളെ പൊലീസിന് കൈമാറിയതായി വിമാനത്താവള അധികൃതര് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ