മംഗളൂരു: കോര്‍പറേഷന്‍ തെരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥിയായി മത്സരിക്കാന്‍ ഫുഡ് ഡെലിവറി ഗേളും. മംഗളൂരു കോര്‍പറേഷനിലെ മന്നഗുഡയിലെ 28ാം വാര്‍ഡിലാണ് ഫുഡ് ഡെലിവറി ഗേളായി ജോലി ചെയ്യുന്ന മേഘ്‌ന ദാസ് മത്സരിക്കുന്നത്. സൊമാറ്റോയിലാണ് മേഘ്‌ന ജോലി ചെയ്യുന്നത്.
റോഡുകളുടെ ശോചനീയാവസ്ഥയും സുരക്ഷാ പ്രശ്‌നങ്ങളുമാണ് തെരഞ്ഞെടുപ്പില്‍ മത്സരിക്കാനുള്ള കാരണമായി മേഘ്‌ന ദാസ് ചൂണ്ടിക്കാണിക്കുന്നത്. എല്ലാ ദിവസവും ഒരുപാട് യാത്ര ചെയ്യുന്നതിനാല്‍ ജനങ്ങളുടെ പ്രശ്‌നങ്ങളെല്ലാം തനിക്ക് വ്യക്തമായി അറിയാമെന്നും അവര്‍ക്ക് വേണ്ടി പ്രവര്‍ത്തിക്കാന്‍ തനിക്ക് കഴിയുമെന്നും മേഘ്‌ന പറയുന്നു.
.jpg?w=640&auto=format%2Ccompress)
അതേസമയം, കോണ്‍ഗ്രസ് ടിക്കറ്റില്‍ തെരഞ്ഞെടുപ്പില്‍ മത്സരിക്കാനാകുമെന്ന് ഒരിക്കലും പ്രതീക്ഷിച്ചില്ലെന്നായിരുന്നു മേഘ്‌നയുടെ പ്രതികരണം. കോണ്‍ഗ്രസ് സ്ഥാനാര്‍ത്ഥിയായി മത്സരിക്കാന്‍ കഴിയുമെന്ന് ഒരിക്കലും പ്രതീക്ഷിച്ചിരുന്നില്ല. പക്ഷേ, ദൈവാനുഗ്രഹത്താല്‍ അത് സംഭവിച്ചു. വാര്‍ഡില്‍ ഒരുപാട് പ്രശ്‌നങ്ങളുണ്ട്, അതെല്ലാം നല്ല രീതിയില്‍ പരിഹരിക്കണമെന്നതാണ് തന്റെ ആഗ്രഹമെന്നും മേഘ്‌ന കൂട്ടിച്ചേര്‍ത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
