ബംഗളൂരു: ലാന്ഡിങിനിടെ വിമാനം റണ്വേയില് നിന്നു തെന്നി മാറി. ബംഗളൂരു വിമാനത്താവളത്തില് ലാൻഡ് ചെയ്യവെ ഗോഎയർ കമ്പനിയുടെ വിമാനമാണ് റണ്വേയില് നിന്ന് സമീപത്തെ പുല്മേട്ടിലേക്ക് തെന്നി മാറിയത്. പൈലറ്റ് വിമാനത്തിന്റെ വേഗത വര്ധിപ്പിച്ച് പുല്മേട്ടില് നിന്ന് വീണ്ടും പറന്നുയര്ന്നു. പിന്നീട് ഹൈദരാബാദ് വിമാനത്താവളത്തില് സുരക്ഷിതമായി ലാന്ഡ് ചെയ്തു. വൻ ദുരന്തമാണ് ഒഴിവായത്.
180 യാത്രക്കാരുമായി നാഗ്പൂരില് നിന്ന് ബംഗളൂരുവിലേക്ക് വരികയായിരുന്ന ഗോഎയര് വിമാനമാണ് വന് ദുരന്തത്തില് നിന്ന് രക്ഷപ്പെട്ടത്. സംഭവത്തില് ഡയറക്ടറേറ്റ് ജനറല് ഓഫ് സിവില് ഏവിയേഷന് അന്വേഷണത്തിന് ഉത്തരവിട്ടു. യാത്രക്കാര്ക്കോ ജീവനക്കാര്ക്കോ പരിക്കേറ്റതായി റിപ്പോര്ട്ടില്ല.
എന്നാല് വിമാനം എയര്സ്ട്രിപ്പിന് പുറത്ത് ലാന്ഡ് ചെയ്തത് പൈലറ്റിന്റെ തെറ്റു കാരണമാണോ മോശം കാലാവസ്ഥ കൊണ്ടാണോ എന്ന കാര്യത്തില് വ്യക്തതയില്ല. ജീവനക്കാരോട് സിവില് ഏവിയേഷന് റെഗുലേറ്ററി ബോഡിക്ക് മുന്നില് ഹാജരാകാന് ഡിജിസിഎ നിര്ദേശം നല്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ