വിദ്യാര്‍ത്ഥിക്ക് ഇംഗ്ലീഷ് അറിയില്ല; എന്നാല്‍പ്പിന്നെ അധ്യാപിക വായിക്കട്ടെയെന്ന് കലക്ടര്‍, ബബ്ബബ്ബ...(വീഡിയോ)
By സമകാലിക മലയാളം ഡെസ്‌ക്‌ | Published: 30th November 2019 11:34 AM |
Last Updated: 05th December 2019 05:23 PM | A+A A- |
കാന്‍പൂര്‍: ഉത്തര്‍പ്രദേശിലെ വിദ്യാഭ്യാസ രംഗത്തെ താഴ്ന്ന നിലവാരം തുറന്നുകാട്ടി പുതിയ വിവരം പുറത്ത്. വായിക്കാന്‍ അറിയാത്ത അധ്യാപകര്‍ പഠിപ്പിക്കുന്ന വിദ്യാലയങ്ങള്‍ ഉത്തര്‍പ്രദേശിലുണ്ടെന്ന ഞെട്ടിക്കുന്ന വിവരമാണ് പുറത്തുവരുന്നത്. ഉന്നാവോ ജില്ലാ കലക്ടര്‍ നടത്തിയ മിന്നല്‍ സന്ദര്‍ശനത്തിലാണ് ഈ ഞെട്ടിക്കുന്ന വിവരം പുറത്തുവന്നിരിക്കുന്നത്.
ചൗര ഗവ.ജൂനിയര്‍ ഹൈസ്‌കൂളിലാണ് ഇംഗ്ലീഷ് വായിക്കാന്‍ അറിയാത്ത അധ്യാപകര്‍ വിദ്യാര്‍ത്ഥികളെ പഠിപ്പിക്കുന്നത് കണ്ടെത്തിയത്. എട്ടാം ക്ലാസ് വിദ്യാര്‍ത്ഥികളോട് ഇംഗ്ലീഷ് പാഠപുസ്തകത്തില്‍ നിന്നുള്ള ചില ഭാഗങ്ങള്‍ വായിക്കാന്‍ പറഞ്ഞതോടെയാണ് സംഭവം പുറത്തുവന്നത്. കുട്ടികള്‍ക്ക് ഇംഗ്ലീഷ് വായിക്കാന്‍ സാധിച്ചില്ല. ഇതോടെ കുട്ടികള്‍ക്ക് പാഠപുസ്തകം വായിച്ചു കേള്‍പ്പിക്കാന്‍ ടീച്ചറോട് കലക്ടര്‍ ആവശ്യപ്പെട്ടു. എന്നാല്‍ അധ്യാപികയ്ക്ക് വായിക്കാന്‍ സാധിച്ചില്ല.
മറ്റൊരു ടീച്ചറോട് വായിക്കാന്‍ ആവശ്യപ്പെട്ടപ്പോള്‍, താന്‍ കണ്ണട വീട്ടില്‍ വച്ച് മറന്നുപോയതിനാല്‍ വായിക്കാന്‍ ബുദ്ധിമുട്ടുണ്ട് എന്ന് പറഞ്ഞ് ഒഴിഞ്ഞുമാറുകയായിരുന്നു. അധ്യാപകര്‍ക്ക് എതിരെ നടപടി സ്വീകരിക്കാന്‍ കലക്ടര്‍ ഉത്തരവിട്ടു.
#WATCH Unnao: An English teacher fails to read a few lines of the language from a book after the District Magistrate, Devendra Kumar Pandey, asked her to read during an inspection of a govt school in Sikandarpur Sarausi. (28.11) pic.twitter.com/wAVZSKCIMS
— ANI UP (@ANINewsUP) November 30, 2019
