ബുലന്ദ്ശഹര്: ഉത്തര്പ്രദേശില് റോഡരികില് കിടന്നുറങ്ങിയവര്ക്ക് നേരെ ബസ് പാഞ്ഞുകയറി ഏഴ് മരണം. ബുലന്ദ്ശഹര് ജില്ലയിലെ ഗംഗാഘട്ടിന് സമീപം വെള്ളിയാഴ്ച പുലര്ച്ചെയാണ് അപകടമുണ്ടായത്. ഒരു കുടുംബത്തിലെ നാലു സ്ത്രീകളും മൂന്നു കുട്ടികളുമാണ് മരിച്ചത്. ഏഴുപേരും സംഭവസ്ഥലത്തുവെച്ചുതന്നെ മരിച്ചു.
നരൗര ഘട്ടില് ഗംഗാ സ്നാനം നടത്തി മടങ്ങിയ സംഘം സഞ്ചരിച്ച വാഹനമാണ് അപകടത്തില്പെട്ടത്. ഉത്തര്പ്രദേശിലെ ഹത്രാസില് നിന്നും തീര്ഥാടനത്തിനെത്തിയ സംഘം റോഡരികിലെ നടപ്പാതയില് കിടന്നുറങ്ങുകയായിരുന്നു. നിയന്ത്രണം വിട്ട ബസ് റോഡില് നിന്നും നടപ്പാതയിലേക്ക് ഇടിച്ചുകയറുകയായിരുന്നു.
അപകടശേഷം ബസിന്റെ ഡ്രൈവര് ഓടി രക്ഷപ്പെട്ടു. മൃതദേഹങ്ങള് പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ