ഭുവനേശ്വര്: കിണറില് വീണ കാട്ടാനയെ രക്ഷിക്കുന്ന വീഡിയോ വൈറലാകുന്നു. രണ്ടുമണിക്കൂര് നീണ്ട രക്ഷാപ്രവര്ത്തനത്തിന് ഒടുവിലാണ് ആനയെ മുകളിലേക്ക് കയറ്റിയത്.
ഒഡീഷയിലെ സുന്ദര്ഗണ്ഡിലാണ് സംഭവം. ചെളി നിറഞ്ഞ കിണറിലാണ് ആന വീണത്. രക്ഷപ്പെടാന് കഴിയാതെ ആന രണ്ടുമണിക്കൂറോളമാണ് വെളളത്തില് കിടന്നത്. രക്ഷപ്പെടാന് കിണഞ്ഞു ശ്രമിച്ച് പരാജയപ്പെട്ട ആന ക്ഷീണിതനായും കാണപ്പെട്ടു. കിണറിന് ചുറ്റും നാട്ടുകാര് തടിച്ചുകൂടിയിട്ടുണ്ട്.
അതിനിടെ, ആനയെ മുകളിലേക്ക് കയറ്റാന് വേണ്ടി വനംവകുപ്പും നാട്ടുകാരും ചേര്ന്ന് രക്ഷാദൗത്യം ഏറ്റെടുക്കുന്നതും ദൃശ്യങ്ങളില് കാണാം. ആനയെ കയറിട്ട് വലിച്ച് മുകളിലേക്ക് കൊണ്ടുവരുന്നതാണ് ദൃശ്യങ്ങളില് കാണുന്നത്. നിരന്തര പരിശ്രമത്തിലൂടെയാണ് ആനയെ മുകളില് എത്തിച്ചത്. തുടര്ന്ന് രക്ഷപ്പെട്ട ആന കാട്ടിലേക്ക് ഓടി നീങ്ങുന്നതും ദൃശ്യങ്ങളില് കാണാം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ