ന്യൂഡൽഹി: എൻജിൻ ഓയിൽ സൂക്ഷിക്കുന്ന ഗോഡൗണിനു തീപിടിച്ച് ഒരാൾ മരിച്ചു. ഡൽഹിയിലെ പഞ്ചാബ് ബാഗിലെ ഗോഡൗണിനാണ് തീപിടിത്തമുണ്ടായത്. ഇന്ന് വൈകുന്നേരമായിരുന്നു സംഭവം.
അഗ്നിരക്ഷാസേനയുടെ 22 വാഹനങ്ങൾ സ്ഥലത്തെത്തിയാണ് തീയണച്ചത്. ഗോണൗഡിൽ നിന്ന് കറുത്ത പുക അന്തരീക്ഷത്തിലേക്ക് ഉയർന്നു കൊണ്ടിരുന്നത് ആശങ്കയുണ്ടാക്കി. തീ പടര്‍ന്നുപിടിച്ചതോടെ സമീപത്തുള്ള കടകളില്‍ നിന്നെല്ലാം ആളുകളെ ഒഴിപ്പിച്ചു. നിലവില്‍ തീ അണച്ചെന്നും കെട്ടിടം തണുപ്പിക്കാനുള്ള ശ്രമങ്ങളാണ് നടക്കുന്നതെന്നും പൊലീസ് വൃത്തങ്ങള്‍ അറിയിച്ചു. തീപിടിത്തത്തിന്‍റെ കാരണം കണ്ടെത്താനായിട്ടില്ല.
രോഹിത് കുമാര്‍ എന്ന 28കാരനാണ് മരിച്ചത്. ഇതേ സ്ഥാപനത്തില്‍ അക്കൗണ്ടന്റാണ് രോഹിത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
