ചെന്നൈ: ചീഫ് ജസ്റ്റിസ് താഹില്രമണിയെ മേഘാലയ ഹൈക്കോടതിയിലേക്ക് സ്ഥലം മാറ്റിയതില് പ്രതിഷേധിച്ച് മദ്രാസ് ഹൈക്കോടതിക്ക് മുന്നില് അഭിഭാഷകരുടെ പ്രതിഷേധം. നൂറു കണക്കിന് അഭിഭാഷകരാണ് പ്രതിഷേധത്തില് പങ്കെടുക്കുന്നത്.
ചീഫ് ജസ്റ്റിസിന്റെ സ്ഥലം മാറ്റം കൃത്യമായ കാരണം വ്യക്തമാക്കാതെയാണ്. ഈ തീരുമാനം പുനഃപരിശോധിക്കാന് കൊളീജിയം തയാറാകണമെന്ന് അഭിഭാഷകര് ആവശ്യപ്പെട്ടു.
അതിനിടെ രാഷ്ട്രപതിക്കും ചീഫ് ജസ്റ്റിസിനും രാജിക്കത്ത് നല്കിയ ചീഫ് ജസ്റ്റിസ് വിജയ താഹില്രമണി ഇന്ന് കോടതി നടപടികളില് നിന്ന് വിട്ടുനിന്നു. താഹില്രമണിയുടെ വസതിയിലെത്തി തമിഴ്നാട് നിയമമന്ത്രി സിവി ഷണ്മുഖം രാജി തീരുമാനം പിന്വലിക്കണമെന്ന് അഭ്യര്ത്ഥിച്ചു. എന്നാല് രാജി കാര്യത്തില് പിന്നോട്ടില്ലെന്ന ഉറച്ച നിലപാടിലാണ് താഹില്രമണി.
രാജ്യത്തെ ഹൈക്കോടതികളിലെ ഏറ്റവും സീനിയര് ജഡ്ജിമാരിലൊരാളായ താഹില്രമണിയെ രാജ്യത്തെ ചെറിയ ഹൈക്കോടതികളിലൊന്നായ മേഘാലയയിലേക്ക് മാറ്റിയത് വലിയ ചര്ച്ചയായിരുന്നു. മദ്രാസ് ഹൈക്കോടതിയില് 75 ജഡ്ജിമാരുള്ളപ്പോള് മേഘാലയയില് മൂന്ന് പേര് മാത്രമാണ് ഉള്ളത്. വ്യക്തമായ കാരണം പറയാതെയാണ് ചീഫ് ജസ്റ്റിസ് താഹില്രമണിയെ മേഘാലയ ഹൈക്കോടതിയിലേക്കു മാറ്റാന് കൊളീജിയം തീരുമാനിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ